الى أمير الانسانية

اليذمك علي ايسميك ابو تراب
وسر الكون كله بهذا اسمك
ابو الدنية علي لن كلهه من تراب
البشر اولاد ادم واصله منك
على كلشي انته تگدر. تگلب الكون
وتكض دمعك على الايتام فنك؟
تجي محني الظهر تتختل الليل
وانته الماوصل جيدوم يمك
تخاف السان ليلك يحجي للناس
وتخاف الناس حيدر تحچي عنك
واثاري الحنه ظهرك جوع الايتام
وعلى حال الارامل ثگل همك
تطشر ندى على اوراق الاشفاف
وترد بسمة طفل حيدر تلمك
يانسمة عذيبي بگيض الايتام
يالحارم منامك طعم حلمك
ياشيلة ستر للفرعاهه العوز
وعلى صبخة حزنهم خضرة جدمك
بهدم غيرك اترگع ليل ونهار
ومل ابنك علي ايرگع بهدمك
علي التاريخ صخرة وانته فنان
وبسيفك علي اسمك نحته
ابساط السيف چان وخصمك تراب
ودرت ظهرك شمال وبس نكثته
على جوع الارامل تنگلب قوس
ظهرك ينحني ونشابك انته
ترميهم بروحك ياعلي الجيش
لذلك چانو يموتون سكته
تنثر خوف بيهم جنت فلاح
بوسط اگلوبهم خوفك شتلته
التم الجيش كله وصار رجال
وگلك انه انه وانته انته؟
نسى وزامطك چان الجيش مجنون
بگفه چف سيفك على الخد سطرته
ربو بيهه الزلم فحطانه اجت ليك
وسيفك عاصفه وهبت عليهم
أذن ماتو خنگ ياحيدر الجيش
صحيح انته سبب بس من اديهم
شبح اسمك علي خبّلهم اخبال
وقسم بيهم انتحرو لا يجيهم
بسامير الزلم والسيف چاكوچ
وعلى الواح الارض ضل يدگ بيهم
*****************************
علي الحارت جميع الخلگ بسماه
بدمعته لليتامه تشوف بسماه
بنعل سيفه يكسر اخشوم بس ما
گدر نمله يسلبهه خطية

[ام فيصل]

اللهم صلي على محمد وآل محمد وعجل فرجهم وفرجنا بهم ياكريم

والسلام على يعسوب الدين ابو اليتامى والأرامل وقائد الغر المحجلين


صح لسانك ياسيد foraten.net/?foraten.net/?foraten.net/?foraten.net/?

ورزقك الله شفاعة الوصي عليه السلام

قصيدة رائعة جدا - لاحرمنا هذا الفيض المبارك منك

احسنت وبانتظار جديدك --- الف شكر لك عزيزي

ام فيصل شكراً لمرورك ولكلماتك الطيبة