غباء حاد
في 3 نسوان حماصنة .. أم محمد وأم عبدو وأم صطيف ..
كانو ا كل يوم يجتمعوا يعملوا صبحية ويشربوا قهوة مع بعض ..
فبيوم كانت أم محمد عم تشكي أنو جوزها صرلو أسبوع ماقرّب عليها ومنشان هيك هيي اليوم لازم تلاقي حل للموضوع ..
تاني يوم بتجي ام محمد عالصبحية .. خدودها موردين .. ومزبطة حالها وشكلها طايرة عن الارض من السعادة .. بيسألوها أم عبدو وأم صطيف عن الموضوع بتقلهون :
امبارحة المسا .. شطفتلو أرض الدار لأبو محمد ..واطبختلوا الأكلة اللي بيحبها .. وأول ما إجا ..
عشيتوا.. تعشا ..
سطحتوا .. أتسطح ..
مديت ايدي عاجسمو لقيتوا بارد ..
التلو ولو يا أبو محمد ..ليش جسمك بارد ..
بتحب دفيلك ياه ..
قلي أي ..
وكانت ليلة ..
سمعت هالكلام أم عبدو ..
وتاني يوم أجت طايرة طيران عن الأرض وعيونها عم يرقصوا .. وخدودها موردين ..
ولما سألوها جاراتها عن السبب قالتلون :
امبارحة المسا .. شطفتلو أرض الدار لأبو عبدو..واطبختلوا الأكلة اللي بيحبها .. وأول ما إجا ..
عشيتوا.. تعشا ..
سطحتوا .. أتسطح ..
مديت ايدي عاجسمو لقيتوا بارد ..
التلو ولو يا أبو عبدو..ليش جسمك بارد ..
بتحب دفيلك ياه ..
قلي أي ..
وكانت ليلة ...
بتالت يوم ..
بتجي أم صطيف .. عينها زرقة .. وسنانها مكسرين .. وتيابها مشقشين .. وإيدها مكسورة ..
بيسألوها خير يا أم صطيف شو صاير معك ..
بتقولون :
امبارحة المسا .. شطفتلو أرض الدار لأبو صطيف..واطبختلوا الأكلة اللي بيحبها .. وأول ما إجا ..
عشيتوا.. تعشا ..
سطحتوا .. أتسطح ..
مديت ايدي عاجسمو لقيتوا سخن .....
التلو ولو يا أبو صطيف..
ليش جسمك سخن .. وجسم أبو محمد وأبو عبدو بارد ...
وكانت ليلة الله لا يعيدها
رد مع اقتباس
