اخر اخبار الحكومه......زهير العقابي

توسع خرم الاوزون سبب في ارتفاع درحات الحراره.
الكهرباء.... اصبح حلم كل عراقي ان ينام ساعه واحده من ليل الصيف الحار

الصغير....ترشيح عادل زويه لرئاسة الوزراء

اذن اذان الصبح بعد التعب
وعدى يوم اعلى العراقي من اللهب
وجتمع شعب الحضاره وصاح فليحيا السحب
ولزلم حضرة وقود الصار اغلى من الذهب
والمولد كام يصرخ يا حكومه بس جذب
والعراقي الجان صامد كام يحلم كون بس لحظه ينام...
عالتعب شدد حزمها وكال عالراحه السلام
لا حكومه تخاف الله وتفتخر تاكل حرام
مصمصت خير العراق والبقة بس العظام
كالو الاوزون صوجه والسياسي اكبر امام
ولتهب وجه الشوارع وتنفخ على الخلك نار
صار سبع سنين مامش كهربا شنهي الصار
الحر كتلنه .الجوع ذلنه .وليمر اكبر حصار
حاصرونا اهل السياسه والنتج اعظم دمار
ونار صارت كل مدنه وحترك لون الخضار
يامصيبتنا الجبيره اشلون ربي بهالعصابه
والعراقي انطفه نوره وضاع بالظلمه شبابه
والصغير ايرشح الباك الزويه وشتغل صوت الربابه...
تسوه هلي وكل الكرابه.......ياعديل يايابه
وركصة جفوف العداله والركص حاكم الغابه
يا سخافة هالقدر وشكد حمل النه غرابه
ايفرفح ابنك يالعراقي ويلعب ابنك يالسياسي
ساكن الخضراء انت وما يهمك بس كراسي
محمي بالامريكي انت وتحظه بأجمل اماسي
وكاسك من الخمره يطفح وانه هم الترس كاسي
تبيع بسم الدين شعبك وتستغل طيبة احساسي
لكن اليوم النهايه وحان وقتك يالاذان
خل نصيح الله وكبر وخل يولي البرلمان
وخل يذب ثوب الزلم ويرد لصله الخنفسان
العراقي ابن المراجل وموش منه ابن الجبان
وموش منه العاف حكه وينتظر حفنة احسان
ارفع الراس وتبختر وافتخر انك عراقي
تغيب اشباه ارجال وانت وحدك تظل باقي
يلي من حيدر وجودك وبجذورك انت راقي
يحلى بس بسمك حجينا ويلتهب كل اشتياقي
انت رب اعلى المشاعر وتنتشي باعماقي
اخر الظل بالقصيده دعوتي لرب السماء
يا الهي التعب ذلنه وانتهينه من العناء
بيدك الحل يا الهي بدل الصيف بشتاء
وكون بس انته تذلنه وما تذلنه الكهرباء
احمينا يارب البريه وكفنا شر الوزراء
اخر الظل عندي كلمه
ياحكومه شويه رحمه
العراقي ضاع حلمه
وبسببكم ناسي اسمه
حارليله كله ظلمه
والسبب من عند انته
ظيمي كله انت جبته
العراق برخص بعته
والثمن كرسي قبضته
والظمير شلون عفته
انه ابن المنتهض بسمه عراقه
اصيل ومن شعب كله عراقه
كصصكم لو تفح لحظه عراقه
جان بكل ادب قبلتو اديه

احلام عراقيه كلها بساطه
نضعها بين يد الساسه

زهير العقابي

[محمود شاكر الهلالي]

اذا تقصد تريد تفزز احساس

ميت من صعد عالكرسي راعيه

مشغول بنشاطه ويترس الجيب

ومو صعبه اعتقد كلهم حراميه

0000000
شكرا اخي زهير وتقبل تحياتي

[أنثى شرقية]

اخر الظل بالقصيده دعوتي لرب السماء
يا الهي التعب ذلنه وانتهينه من العناء
بيدك الحل يا الهي بدل الصيف بشتاء
وكون بس انته تذلنه وما تذلنه الكهرباء
احمينا يارب البريه وكفنا شر الوزراء

********
الهي امين مذلة من البشر مانريد
وصح لسانك خويه زهير العقابي
ابدعت هنا بحروف عن لسان الشعب العراقي
الى متى نبقى هكذا؟؟
يبقى السؤال معلقا الى اجيال قادمه
تحياتي لروعه قلمك المميز

محمود شاكر الهلالي
اسعدني مرورك
اتمنى دوام التواصل
دعائي لك بالتوفيق
تمنياتي لك بالخير والسلامه

عيون المهى
اختي العزيزه
اشكر مروركي وتواصلكي معي
لا حرمت منكي ايتها الاخت الغاليه
دعائي الدائم لكي بالتوفيق
تمنياتي لكي بالخير والسلامه

[الغروب]

قد
يسمعك اهل القبور فيجيبوك ولكن لن يلتفت اليك السياسيون
فهم سكارى في نشوة انجازات لم يصنعوها وامتيازات لم يحلمو يوما
بها..الاخ المحترم سلمت يمينك على هذا الجهد الكبير...تقبل كل الود

قد
يسمعك اهل القبور فيجيبوك ولكن لن يلتفت اليك السياسيون
فهم سكارى في نشوة انجازات لم يصنعوها وامتيازات لم يحلمو يوما
بها..الاخ المحترم سلمت يمينك على هذا الجهد الكبير...تقبل كل الود

الغروب
اخي العزيز
اسعدني تواجدك معي
اشكر مرورك
دعائي الدائم بالتوفيق
تمنياتي لك بالخير والسلامه

[سمسم_الحزين]

عاشت الايادي أو
تحياتي ألك يا أخي
زهيري العقابي