شسولف---- بقلمي

[الشاعر محمد الحميداوي]

شسولف
والسوالف ساكته ومخنوكه كل همسه
شسولف
واليحب مفضوح بعيونه نكتب حسه
شسولف
وانتي سالفتي العله لساني صبح ومسه
درس حبج صعب واقراه
وخايف ارسب بدرسه
جذر حبج غرس بالروح
خضر بالعشك غرسه
مو شامه اعله خدج لا ابد والله
اعله خدج الله حط شمسه
ميت بالعشك مو وصلت النتاك
الحكي متيمج لا ينكطع نفسه
بعيوني الج تمطر سحابة شوك
خايف انفضح لو شافتج هسه
اداريج بلهفتي وليل ياكل ليل
واحس روحي اعله نارج حيل متونسه
اختلف حيل اختلف عن اليحبون
حب شاعر كتب ببياته الف همسه
حب شاعر ابد للموت ما ينسه

بقلمي
محمد الحميداوي

[أحمد الكعبي]

أسعدني الوقوف أمام بوحك الشجي
فسلم يراعك أخي الغالي.
تقبل مروري المتواضع

[الشاعر محمد الحميداوي]

تحياتي لك يا رائع ان مرورك ازادني رونقا

[ميراج]

عفيه عليك الحميداوي قصيده حلوه

[ام افنان]

عاشت ايدك يامبدع والله قصيدة اكثر من رائعة تقبل مروري

[الشاعر محمد الحميداوي]

عزيزي ميراج مرورك هو الاروع تقبل تحياتي

[الشاعر محمد الحميداوي]

الغاليه ام افنان الف تحيه لك اسعدني مرورك دمت بالف خير