مدرسة حب الوطن
علموني شلون احبك
دخلوني بمدرسة حب الوطن .....
جنت خايف لا اتيهن بين احزاب المحن ....
ناس تحجي ...
وناس تبجي ...
وناس تتحسر على اثار الزمن ...
واني حاير مالي طاقة ...... شلون ابني هالصداقة .....
ويامن امشي ويامن احجي ..... وحتى اذا اسوي علاقة...
تبقة مشكلة البطاقة ....
ويا بطاقة ؟
عالنسب لازم اصادق الة سني الة كوردي الة شيعي الة عربي ....
تعجبت ليش الله ما سواني غربي ....
وضاع تعبي....
هسة حاير بالدوام ...
وحاير بيا ليل انام...
من الرعب حسيت كلبي من التدكدك توة صام ...
هالوطن اصل الخلائق..
اصبح الآدم مقام...
مو حرام....
وكلت شنهي الحل يربي....
تعباني هالزمان ....
ومتصورت فد يوم امي يجف علة اديهة الحنان...
ومن زمان....
جان همي ... صدر امي...
وحس جن ماكو امان....
شكد جبان...!!
وبعد ما دار الزمان ....
وعادت الروح الحنينة دور في نفس المكان....
رجعونة المدرسة حب الوطن ...
ومن جديد ....
بعد ما مرت سنين .... وامتلت ارواحنة بحب وحنين....
وختلط لون التراب وية الفرات وصار طين ...
علموني شلون احبك....
والله احبك ..
ياوطن بالروح اسمك ....
بعد حد هاللحظة بية ايعيش رسمك...
مو عجيبة اعلة الرعاع لو تفجر كل بساتين الورود....
لازم بلحظة انت تنسة ولازم بسرعة تعود.....
انة محتاج الحنان....
يا أرض قران رب الكون يا اصل الجنان...
وراح اكلك بمتنان....
ونسة كل ما صار بيك....
شما تغيب الشمس تظهر بس عليك...
يا شعاع الكون .... يا سحر العيون...
انت يا اب ياحنون...
توصفك اشعار والكلمات تنساب بجنون....
والوصف وجهك يغالي شما حجو ثق ما يجون...
الصبح ادعي ...وزف دموعي جن جمرة وتضوي ...
والمسة قائم مصلّي ... ادعي اطلب الامان..
يا حسافة ... بكل صلافة..
رجعونة القصة تبدي بــ كان يامكان... في ذاك الزمان ...
المن اشكي ...
المن احجي ...
وحتى اذا احجي ...اشوف عيون بس ماكو اذان .
تحياتي للجميع
رد مع اقتباس
