انه المانزل دمعي من الجفون - غزل

[شاكر الهلالي]

أنه الما نزل دمعي من الجفون

ولامخنوكـَ صدري وبيه حسره

*
ولامجروح كـَلبي وبيه لجمات

ولاشايف سهر وعيوني حمره

*
ولا اسمع حجي من هذا لاذاك

ولافد يوم صافن واني اقره

*
ولاكـَلبي يسولف بالمواعيد

ولا اسم الشعر عالبال يطره

*
صفن وياي من شفته لها اليوم

وابد ما فاركـَني تعيش مــرّه

*
لأن عينه وسيعه وكـَلبي ارجيج

انسبيت بركـَبته ونبعات صدره

*
لو من يمشي رايح راد عالباب

ومنزل الشعر ويفوح عطره

*
روحي مو حجر هم تعرف الشوكـَ

وبعدني بعز شبابي وروحي خضره

*
وعليه قررت اكتبله اشعار

وتمنيت الجواب بكل مسره

*

واجاني موافق وعندي محب صار


لأن وضحلي قصده وكشف سره

*
صحيح الحب عذاب ويحركـَ بنار

ويا كـَلب اليحب كـَلي اشيصبره

*

وهذا الحال تعبني وطحت بيه

ولو مو باختياري دروب خطره

***

مع اطيب تحياتي - بقلمي 0

[السومري71]

الله ايساعد كلبك عزيزي شاكر
قصيدة جمعت بين جمال المفردة وجمال المعنى
دام لنا هذا التألق
تحياتي

صحيح الحب عذاب ويحركـَ بنار

ويا كـَلب اليحب كـَلي اشيصبره

عاشت الانامل الي كتبت هذه الابيات البديعة

[شاكر الهلالي]

الهلالي شاكر
جميل جدا" انا ارى لك كتابات كهذه

الف شكر اخويه العزيز لمرورك واطرائك 0

[شاكر الهلالي]

الله ايساعد كلبك عزيزي شاكر

قصيدة جمعت بين جمال المفردة وجمال المعنى
دام لنا هذا التألق

تحياتي

اشكرك اخويه السومري لمرورك واطرائك

نورت الموضوع - واقول كلام الشعر لايعتد به

لأنه لايمثل لدي الان حقيقة وانما تعبير عن احساس قديم 0

[شاكر الهلالي]

صحيح الحب عذاب ويحركـَ بنار

ويا كـَلب اليحب كـَلي اشيصبره

عاشت الانامل الي كتبت هذه الابيات البديعة

الف شكر اختي الكريمه فاتن

نورت الموضوع بمرورك وردك الطيب 0