الى رواد الشعر فقط الترحيب في الشعر يختلف

[ايناس الجمال]

أجـــــيت انه بدربكم والحــياة تسير

ورجليه اطبگت تمشي ويه رجليكم

عجــيبه عيونكم ما شافت الحلوين

لــــــــو تغـــليس هذا وما أظن بيكم

0
يا هــو الگــال اهـــلاً بــيـچ يا حـياچ

ويا هو الگال يـمـي اتفـضلي ارتاحي

وياهو الجاب جاي ويمه صحن الكيك

وقوطـــيــة عــصـير وبطــل تفاحي

ما ريـــد السكـــوت وململة ارواح

اريــد افــراحكم تــنشد بافـــــراحي

شتگولون ؟

[عقيل كريم الشويلي]

فرحنة بجيتكم احنة اهواي
وطشينة الورد بالممشة ياناس
اذا هاي الارض ماشالتكم اليوم
تاج احنة نخليكم علة الراس
تقبلي مروري تحياتي لك

[ايناس الجمال]

مشكور بمرورك والف ياحياك

نثرت افراح بدروبي ودليلي

لو هيج اليرحب لو فلا ينراد

اول ما بداهه النه الشويلي

===

مشكور وتسلم يخوي وما تكصر

[أنثى شرقية]

اهلا ومرحبا بك عزيزتي منورة الفرات والله
وابد موتغليس احنه الفراتيين معروفين بكرمنا وطيبتنا
وحياج الله بينا اخت عزيزة وشاعرة مميزة
نتشرف بك دوما
ومرحبا بايناس الفرات
تحياتي لك

[ايناس الجمال]

وحيا الله المهى وعيونها الحلوات

ترد بلطف نثري وتشعل الساحه

الفرح جانه الفرح وياج يا حلوم

يا طيب النجف وزيادة افراحه

==

نورتي يالغلا وتسلمين

[شاكر الهلالي]

أگــول اهلا وسهلا بيج يا ايناس

بكـــل خـــــطـــــوه الچ مية هله

بيتچ الثاني واجيتي بمشتهاچ

شما صعب دربچ ترا احنه انسهله

00000000000

نورتي الفرات القسم الأدبي 0

[شوك الشفايف]

هله يالبيج عطر الياس..
يالكلج محبه وعاطفه واحساس..
يمتد الشعر شوك اعلى طول الليل..وينور شمس من كل كتر تنباس
يا سجة فرح نمشيهه من نغتاض..يا كعبة عشك للما ههو نبراس
يا جلمة عذر وعتاب للحلوين ..يا ضحكة وعطر وجفوف تطلب كاس
يا وردة بنفسج تكبر بكل حين..وتفيض بعطرهه حروف من تنجاس..
شعرج من قريته يدل على المضمون..والمضمون رصعه وتاج فوك الراس
اضن حتى الفرات..ايهلي ..بيج اليوم..ويصيح تحيه من الكلب لايناس..
لك كل الود والتقدير ..يا شاعرة ..
والاروع فرحك الرائع..شوك..

[الشيخ ابوحيدر]

جنت اتمنه افرح مثل باقي الناس
وشلون الفرح ويطيحة العباس
اهلاً مرحباً بقدوم اختنه ايناس