وينكم يافزعتي اخوكم الحـر سووه فلم هندي امس

[الحــر]

السلام عليكم ورحمة الله وبركاته

شلونكم اخواني شلون صحتكم وشنو هي اخباركم

اليوم رايدكم بفزعة اخواني

دنا اتهزئت ياااعالم

ترى اخوكم الحـر سووه فلم هندي يعني اكوللكم اتهزئت

ما ادري بعد اني خليتها يمكم

واني جايكم وانتو اخواني وفرضوها

السالفة صار بيها شهود وصاحبها الي يعرف روحة مقر بالسالفة

اخواني خلي اسولفلكم سلفتي وما حل بي يوم امس بالتحديد

رجعت الدورة الي اخذها لتطوير المواهب في الجامعة على دراجتي النارية واني كاشخ ذيج الخشة الي تريدونها بخاطركم

وجايب وياي الاب توب مالتي وحاطها بالجنطة

كلت خلي امر على صاحبي واخوي الغالي <<< يعرف روحة هو

اي كلت ازين عنده همين
والله هو حلاق بلا مجاملة عاشت ايدة <<< بعد اسوي اله دعاية اعلامية وهو خلاني فرجة امس ههههه

تجيكم السالفة لا تستعجلون

اي توى اخذ لي خيط للحيتي وجان تطفى الكهرباء الوطني المحروسة ..
كالنا خليها لباجر تخفيف اللحية والشعر ..

واني هم كتلة ياله انته مالك خلك خلي نسولف بس

والله شغلو المولدة وجان جته الحنية عليه كال يله خلي اخفف الك اللحية

والله توى جاي يخفف في جانب منها وجان تطفي المولدة والدنيا ظهر ساعة راح تصير الساعة بالوحدة

سوو بالمولدة رادو انكطع الحبل مالتها وما اشتغلت يا سلامت حضيضان مالتي

هسة شنو صرت اني نص ونص

نص مخفف نمرة اثنين والنص الثاني عالي شوية تقريباً تقريباً نمرة 6

ياخوية وصرت فرجة للي ما يسوون ...

طلع بية الولد افتر على الحلاقين الي يمه كلها معزلة

هي كوة يعني مقسومة لي هاليوم اتهزء لا مفر من ذلك ابداً ههههه

زين كتلة عمي ولا يهمك اني اروح على دراجتي للبيت كبل ولا من شاف ولا مندري

خليت ورحت بس السالفة مو لهنا وخلصة ياااريت السالفة الي وراها اضرب .!!!

تجيكم السالفة خليكم ويانا متابعين

طبعا انتو شتدرون عن اخوكم الحـر ....

الكلب مسرد والعقل طاير

واني امشي بالطريق على الدراجة نسيت روحي وراحت عن بالي السالفة

مريت على بانزين خانة بالطريق شفت الدراجة شوية منقصة بانزين عايزة لترتين .. اخذتني الحنية ..!

كلت خلي اكملها تفيدني غير وقت

خليت ووكفت بباب البانزين خانة ونزلت وبايدي الاب توب شايلها والايد الثانية دبة ام خمس لترات كلت اخذ بيها بس لترتين واترسها ...

وصلت يم الي يفول بانزين لكيت يمه جماعة بعد يفولون

كتلة حط لي لترتين بس

اشوف الولد يباوع علية وجنة مرتبك يريد يضحك يبتسم بس مو عارف

اني ولا عبالك مسيطر اصلاً الناس بصفحة واني بصفحة ههههه

اجية يدير الي وجان اكرر ليه كتلة بس لترتين زين

الولد دار ترس الدبة كلها 5 لترات وفاضت ..!!!

كتلة عمي شسوي بيه وين اوديه بس لترتين كتلك

الولد انخبص هههههه

كال لصاحبة جيب الي قمع خلي افرغ منها بسرعة

اني ابواع اشوف الكل تباوع الي ومستغربة

ربكم همزين ما انتبهت على روحي واني يمهم والله ما ادري شنو موقفي يصير

رحت درت الدبة وشغلت الدراجة توني اريد احرك وجان اشوف روحي بالمراية

وضاع نص طولي واني طولي ضايع ههههههه

وهاي هية وعاشو عيشة وسعيدة

وهذا حال اخوكم الحـر يوم امس

يوم من العمر وذكرى ما تنسي

الى الان من اتذكرها اطك من الضحك

شوداني شجابني

بس بعد تريد تصير

هسة انتو شنو رايكم

ترضون اخوكم هيج يتهزء هالتهزيئة صايرة بالله هههه

شنو لازم اسوي

بس شيرو علية

واني اكلب الدنيا اليوم

اخوكم ومحبكم

الحـر

[حيدر القريشي]

هههههههههههههههههههه
ههههههههههههههههههههه
والله يا خويه ما تنحجي سالفتك
وعلى كولتنا سوده مصخمه
ههههههههههههههههههههههههههههه
لا وماخذ راحتك وجاي تترس بانزين
وواثق من نفسك ""تريد بس لترتين "
ههههههههههههههههههههههههههههه
والله لو يمي جان ما خليتك تحير
مكينه موجوده والخيط موجود واخيك استاذ
جان طلعتك ديلوكس بس كل واحد بديره
عموما تضامنا وياك ابو علي الورده
اليوم ازين نص اللحيه والنص الثاني اعوفه
"""موده جديده """2015
تحياتي للحر الغالي
وارجو ان ما اكون ضوجتك بكلامي
فقط للمزاح
اخوك حيدر القريشي

[همس الغروب]

هههههههه
لالالالالالالالالالالالالالالالالالالا هاي قويه
ههههههههههههههههههههههه
هنوب طاحت بحلكي ههههههههههههه
وين تروح اليوم مني اكعد اضحك واقلد للصبح خخخخخخخخخخ


لا والله اشاقة مانرضاها هج يصير بيك
لو آني جان أنطيك جفيه تخلي على وجهك وتطلع بس عيونك الحلوة
((طبعآ عيونك محلوه بس آني أرفع معنوياتك))
شفت شلون ذكيه آني
هههههههههههههههههههههه

تحـــــــــــــــياتي ياغالي

مو كتلك بس خيط

انته ما يفيد وياك تعاند وهذا حال الي يعاند

عيش وتاكل غيره

تحياتي للي لحيته نص ونص

[الحــر]

هههههههههههههههههههه
ههههههههههههههههههههه
والله يا خويه ما تنحجي سالفتك
وعلى كولتنا سوده مصخمه
ههههههههههههههههههههههههههههه
لا وماخذ راحتك وجاي تترس بانزين
وواثق من نفسك ""تريد بس لترتين "
ههههههههههههههههههههههههههههه
والله لو يمي جان ما خليتك تحير
مكينه موجوده والخيط موجود واخيك استاذ
جان طلعتك ديلوكس بس كل واحد بديره
عموما تضامنا وياك ابو علي الورده
اليوم ازين نص اللحيه والنص الثاني اعوفه
"""موده جديده """2015
تحياتي للحر الغالي
وارجو ان ما اكون ضوجتك بكلامي
فقط للمزاح
اخوك حيدر القريشي

حياك الله حبيبي حدوري هلا بيك

اي والله ياخوية صدك سودة مصخمة

وتسلم لي يالغالي كلك خير حدورتي

بعد صارت وان شاء الله تجمعنا الايام بتوفيقه

وللا عمي يا تضامن هو اني ضحية وفيت عنكم كلكم ههههه

ما اسمح لنفسي بضحية ثاني

وهاي خلي يسمعون الكل عن مودتنا الجديدة

كل التحية والتقدير لك مني

وشكرا لتواجدك الطيب هنا

[رحيق]

ههههههههههههههههههههههههههههه
ههههههههههههههههههههههههههههههههههههههههه
اسفه ياخوي الحر بس جد سالفتك تموت ضحك
حكيتها لخواتي وطفسو من الضحك
ههههههههههههههههههههههههههههههههههههههه
يالله تعيش وتاكل غيرها
لو انا منك خلاااس احرم اطلع تاني من الفشله
ههههههههههههههههههههه
امزح معك تقبل مروري بس جد ضحكتني

[الحــر]

هههههههه
لالالالالالالالالالالالالالالالالالالا هاي قويه
ههههههههههههههههههههههه
هنوب طاحت بحلكي ههههههههههههه
وين تروح اليوم مني اكعد اضحك واقلد للصبح خخخخخخخخخخ


لا والله اشاقة مانرضاها هج يصير بيك
لو آني جان أنطيك جفيه تخلي على وجهك وتطلع بس عيونك الحلوة
((طبعآ عيونك محلوه بس آني أرفع معنوياتك))
شفت شلون ذكيه آني
هههههههههههههههههههههه

تحـــــــــــــــياتي ياغالي

هلا وكل الهلا بسمتنا

لا هاي هية ردتكم عوون طلعتو الي فرعوون

ضحكي عمي للصبح براحتك هي شضل بيها

دنا اتهزئت على الاخر بيومها ههههه

والله اصيلة يا بسمة كلج خير وما تقصرين

وعيوني حلوة مو حلوة وين جنتي وقتها جا ما صارت هالعملة بية

الف شكر وتقدير لك ولحضورك الرائع وذكاوتك الجميلة

مع اطيب امنياتي

[الحــر]

هههههههههههههههههههههههههههههههههههه
ه
ههههههههههههههههههههههههههههههههههه




مو كتلك بس خيط


انته ما يفيد وياك تعاند وهذا حال الي يعاند



هههههههههههههههههههههههههههه


عيش وتاكل غيره





تحياتي للي لحيته نص ونص هههههههههه

هلا وكل الهلا بابو الدكايك العدلة

كل هذا الي سويته وتظحك بعد

شسويلك كلي وشحط العلتي هههه

هسة اني طلعت عنيد انوب فريتها علية مووو

وتالي اعيش واكل غيرها بعد هم عايزة .!!!

هاي لعيونك نزلتها لانها رغم اني تفشلت بيها وصرت فرجة للي يسوة وما يسوى

بس احلى ذكرى ما انساها صارت منك عزيزي

لك مني كل التحية والتقدير

وشكرا لتواجدك الضروري هناا