بقلمي-قصيدة رثاء الى-محمد باقر الصدر

[ناصر اسماعيل الموزاني]

-العواصف لو قست-


العواصف لو قست ما تقلع الشوك
العالي من الورد ينصاب ويطيح
اخافن ياورد من طحت شموك
وخذو عفت صلاتك والتسابيح
اضنهم ياورد من طحت داسوك
واضن باخر نفس لغصونك اتصيح
اجيتك وش لگيتك غصن كسروك
ومن كسره يتلولح كالمراجيح
كل خد بكتر يا ورد ذبوك
وخفو دم لبغصنك والتجاريح
تجي وياهم تاييد الحكم رادوك
وصبرت وما خذو منك تصاريح
بعواصفهم غدر ياورد زاحوك
ولا الغاصفه ادريك متزيح
كل ضنهم متت وبسرعه ضموك
نسو غصن الورد لو مات بيه ريح
تضل شاخص ولو مجهول خلوك
يلوح اعلا البعد ضي المصابيح
العواصف لو قست ماتقلع الشوك
العالي من الورد ينصاب ويطيح


كلمات الشاعر
ناصر اسماعيل الموزاني
كتبت القصيده سنة 1982
في بغداد00مدينة الصدر

[عقيل كريم الشويلي]

الأخ ناصر أسماعيل الموزاني
كلمات قمة الروعه
قصيدة جميلة وصور شعرية اجمل
لك خالص تحياتي اخي

[ناصر اسماعيل الموزاني]

الأخ ناصر أسماعيل الموزاني

كلمات قمة الروعه
قصيدة جميلة وصور شعرية اجمل

لك خالص تحياتي اخي

لك كل الاماني الجميله على
مرورك الرائع لك كل باقات الورد
اخوك ناصر

[الشاعر جلال البطاط]

صدري
بشيعيتي افتخر وبنهجي صدري
واسمك يالصدر دكَات صدري
يدنية اشعندج من هموم صدري
يبقه اسم الصدر عنوان الية

تحياتي الك حبيبي ناصر على هذه المعزوفة الرائعة بحق السيد الشهيد الصدر(قدس) راجيآ تقبل مداخلتي مع الود.

[ناصر اسماعيل الموزاني]

صدري

بشيعيتي افتخر وبنهجي صدري
واسمك يالصدر دكَات صدري
يدنية اشعندج من هموم صدري
يبقه اسم الصدر عنوان الية

تحياتي الك حبيبي ناصر على هذه المعزوفة الرائعة بحق السيد الشهيد الصدر(قدس) راجيآ تقبل مداخلتي مع الود.

شكرا سيدنا العزيز على مرورك الجميل لك كل الورد
اخوك ناصر