حورا مع جرح .. المشاركة ألأولى بقلمي . شاعر المودة محمد البصري

حوار مع جرح

__

يجرحي شبيك تلجم بيه كل يوم

مو وسفه الكلب لمن تجرحه

تجرحني ليش جيتك أرجوك

ومو وجهي بعد ماشاف فرحه

انه بيه حزن يتعدا الجبال

وهم البيه صدك عالي صرحه

شاسولف عالحزن ياجرحي الجبير

انه حزني أبد ماصحلي شرحه

شاشرح ياجرح وجروحك هواي

هم يطير طير بلايه جنحه

ياجرحي بعد وين اليعينون

ودمع عيني بعد منهو اليمسحه

رحت يمه ومثل العسل وياي

وضحكت وياه وحضنته بروح مرحه

لاكن من رجعت دموعي امواج

وسرحات الدمع موخوش سرحه

رجعت ابجي دمع بس دمع سجيل

وعله الزردوم والله مجلبه طرحه

ردت اعرف سبب ماردت الأسباب

وبعدك حاشه تصير ابشفتي فرحه

_

عطر ياقوت بخدوده

ودر بيه

ومن شفتي اعبيله

ودر بي

بزعله تيهت روحي

ودربي

وصرت جثه ذبيح بلاهويه

_

ليش اعله الزعل تفرح يمحبوب

وتفرح حيل لو مره اجرحتني

شلت منك هضم بس الهضم ليش

ومن شيل الهموم انكسر متني

تعلمت الحزن ابلفة اكماط

بس عل الهضم أنته العلمتني

طحت بيدك جريح وشفتك علاج

بس بلجم جفك طيحتني

جيتك فقير وارتجي العون

بس انته بصلافه شردتني

وجيتك احبك وراسي مذلول

وشي اني أحبك اذبحتني

ادري شلون مافادك عتاب

اموت بضيم هيجي انته ردتني

ادري شي أحبك و اني أهواك

بسجين الهضم شو شرحتني

كلت أمشي وياك لحد لحظه الموت

بس انته ابد ماطاوعتني

ادري ماعندك كلب لو كلبك حجار

كل هذا حبي وما ارحمتني

ادري شلون ترضه وتنسى الأحزان

وانه بمشروب دمعي خدرتني

أحبك هذا جرمي وهاي الأسباب

لأن اني أحبك دمرتني

_

عله الدمعات وسفه

علمتني

وشلت هذا الكون هضمه

عل متني

الزعل والضيم انته

علمتني

وفرح كلبي بعد ماصح اليه

بقلمي

محمد بصري الشويلي

[وحيد ابدنيتي]

الاخ الكريم "شآعر الـمودة ..

بدايتاً نرحب بك كونك عضواً جديدٍ
في منتديات الفرات

تشرفنا بقدومك الينا أخي الفاضل ..

وأهلاً وسهلاً بك في بيتك الثاني

والشيئ الثآني ...

جميل ما كتبت هنا اخي العزيز
وشكراً لما قدمت من عطاء ..

وسلمت اناملك الذهبية ..

لاحُرمنا من جديدك عزيزي

تقبل تحياتي الحارة الى شخصك المرموق

ألأخ وحيد بدنيتي
اشكرك على هذا الرد المتألق وهذا التشجيع الرائع

ادعو ربي ان يوفقني لكي اقدم كل ما استطيع

لأسعاد من بهذه االعائله وهذا المنبر منبر الفرات

الذي يشرفني ان اكون احد من من فيه

[امير الاحزان:]

نرحب بك اشد ترحيب ياشاعر المودة
بل يا شاعر الاصالة
نفرش لك الدرب ازاهير ارجوان
وها انت تطأ بحرفك رحاب منتديات الفرات
كان بوحك رائع
وكانت قصيدتك شفافة واحساسها رهيف
دوم التواصل معنا
انا هنا بانتظار جديدك

امير الاحزان لك كل الشكر على هذا الرد الرائع

لقد اعطيتني من التشجيع بما يمكنني

من ان ابذل ما يمكنني لخدمة المنتدى الرائع

صح لسانك حبيبي محمد وجميل ما كتبت
الله لايحرمنا من جديدك

[ام فيصل]

شاسولف عالحزن ياجرحي الجبير
انه حزني أبد ماصحلي شرحه
شاشرح ياجرح وجروحك هواي
هم يطير طير بلايه جنحه

حيا الله الشويلي
ومرحبا بك عزيزي في منتداك

قلم مميز واحساس جميل
ومفردات حملت صرخات ألم واوجاع

شكرا لك ولجميل ماسطرت
ودام لنا هذا المداد الرائع

تقبل تحياتي ومروري

[أنثى شرقية]

شاسولف عالحزن ياجرحي الجبير
انه حزني أبد ماصحلي شرحه
شاشرح ياجرح وجروحك هواي
هم يطير طير بلايه جنحه
ياجرحي بعد وين اليعينون
ودمع عيني بعد منهو اليمسحه


****
الله الله عليك
ياشاعر الموده
وتستاهل التصفيق على هذا الكلمات الرائعه
واهلا وسهلا بيك بين ربوع الفرات
وننتظر جديد قلمك المميز
تمنياتي الك بالموفقيه
تحياتي