سرب حب000
ما دريتي
انك البارح طغيتي
وابتديتي
فالخفوق ولا انتهيتي
ما دريتي إنك أرحم هم زار
وانك أكبر شوق ثار
وانك اطول انتظار
وانك أجمل سالفه في مجلسي قبل النهار
ما دريتي
كان شوقي لك صبر
وكانت اللحظه عمر
وكانت أطراف الأمل في داخلي نار وجمر
وانتشر حبك على كل ثوني والأماني
والقدر
يالعيون الساحره
انتي اجمل حب عندي
واصدق اصدق من جروح ضامره
وكل هالشوق انتهى فيني نهر
ابتدى فيني طيور مهاجره
سرب حب كله طيور خضر
سرب خوف من الطريق وآخره
فهــــــــــد المنصوري