عاشت ايدك موضوع رائع وفقك الباري
همستي اليوم اهديها لجميع اهل الفرات
الى كل الاصدقاء والاخوان الى كل من بينه وبين صديقه زعل او برود اهدي لكم هذا الزهيري
بمناسبة رمضان الخير والمحبة والتسامح اهديكم هذه الابيات
واوصيكم الخوة تراد بكل وكت
مد چفك لصاحبك ياصاحبي وصاحبه
وبالك تضل بالزعل متجند وصاحي به
مو چان صاحب الك وانت الچنت صاحبه
وچم مره انت ملت وهو الذي عادلك
وندمان حس بالغلط ياصاحبي وعاد الك
وانت الزعل والگطع ماچان ابد عاده الك
وأدريك طيب گلب مترد أبد سائلك
وميشيل گلبك على حتى الذي ساء الك
وهذا اخوك شيضر حگه اذا سائلك
وحگ الاخو على الاخو يومن اذا صاح به
اتمنى دوم الخوة بينكم في المنتدى وبره المنتدى ايضااا
تحياتي لكم