اريد اشبر خيالك والجدم تعبان
وارسم عالرمل صورة ليالينه
أريد ابحث عليك بصفحة النسيان
بلجي اعثر عليك بشبح ماضينه
ياجفن الليالي الماغفة سهران
ياحلم الطفولة وعمري وسنينه
يابسمة فرح بعيوني أحلى إنسان
تذوب الروح لو طيفك يمر بينه
يامصباح شوفي وأجمل الألحان
اعزف بالكَلب أعذب تلاحينه
لولاك الفرح بعيوني صار أحزان
عمري كَيض بس ثغرك يروينه
طبع الطير من يتعب يدور أغصان
وانهّ التعبان جنحي ومحد أيعينه
ضيعني هواك وغابتك دخان
عاثور الدرب واشواكة تاذينه
بيهّ أطباع اضحك والدمع نيران
يحمل ضيم كَلبي وضحكته بعينه
يالون الثلج احضني مو بردان
بشفاف الجمر ريتك تدفينه
لو دربك كَزاز ازحف ألك عريان
وأصيح أفيش لو نارك تجوينه
مزنه شوَك أريدك والكَلب ذبلان
مو جرحي التهب بسك تداوينه
أريد اصبر عليك وانتظر يفلان
وأشوف الراي شنهي أوين تالينه؟
للامانة منقول مع تحياتي
رد مع اقتباس
