بذرت العمر وياك تبذير
ماابذر بعد يالكلك اعذار
لان حبك رمح طول المشاوير
يطعن بالكلب بس وجهي يندار
شيهمك بعد لواهدم البير
بشفافك هذني الكتلن اسرار
ذكراك البقت بس التصاوير
وعلى رفوف الكلب ماتلكه تذكار
غلطه على النهر تعله النواعير
يكتلهه العطش من تنصه الانهار
وانه انطيتك جنح وعلمتك تطير
مو صعبه عليه اطيحك يوم بحجار
وماالومك لان بيه اني تقصير
انه شجرة وامنت بسنون منشار