قصيدة .. للضروس .......... بقلمي

[ميراج]

قبل أيام گعدت من النوم من وره وجع رحاتي ( ضرسي ) تقريبا ساعه 6 الصبح ، تذكرت گالو اذا واحد توجعه رحاته بس يخلي عليها ملح يوگف الوجع .. خليت وما فاد ، تذكرت گالو اذا تشرب جگاره هم تخدر ويروح الوجع ... شربت جگاره وما فاد ، بالاخير كتبت هاي القصيده طبعا موكلها لان بعدين كملتها


للضروس


يدگ بالهام ويشعل شيب اهاليها
ويلوع الروح ويسهسه قهر بيها
يچويها ويمرمرها يملحها ويرچ بيها
خايب هاد .. خايب هوب .. خايب لاتأذيها
روح ومثل چف مفطوم ماتحمل تلاويها
وانت بلا رحم واگف على الزردوم
سچينك عمى و وأهگ ردم بيها
يالمربع يالمخمس يالساسك نبت بيها
يالمدهرب يالمكعبر يالراسك يشچ بيها
يالچانت أمس .. بعينك تكسر الجوز
چا مالك ولك هاليوم واليها
گالو بالتتن ترضى وتبطل روك
شبعتك تتن بس كون تبريها
وگالو بالملح ترجع عيلها انوب
تمسح راسها وتبوس رجليها
شو لنك شخت وانوب على المگلوب
رديت بعكس چيلات تسگيها
وهي من الولم محتاره شنهو الصار
تشگف ماتوچد وانت سابيها
گلي بيا دوه تبطل ونين الروح
خل نفهم ولك شتريد تاليها ؟
ولو شاخت ولك جدمك عليها انوب
اروحن للطبيب بعطب يچويها
اروحن للطبيب بعطب يچويها

[سمسم_الحزين]

شكراً لكلمتك الجميله وقلمك الرائع تحياتي

جبار الشهد

[نجوي]

ههههههههههههه
الله ع یا مبدع ویا شاعر الی یووووجع رحاته خخخخخخخخخخخ
تسلموووو خیووو واقعا قصیده رووووووعه وجمیل
تحیتی لک

[ميراج]

أهلا سمسم أهلا نجوى نورتو الصفحه