ابو ذيه شعر عراقي

[أنثى شرقية]

ذبت وبشوك شخصك مايعاني
ويعاني القلب منك مايعاني
لون تعطش سكيتك مايعاني
والك روحي لقدمهه هدية
شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه
دمع عيني ابد مايبس ونشاف
شكثر كلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه
ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
حسين النشا وي طه وتربه
عين المحب شبحتله وتربه
اله كبه مذهبه او مرقد وتربه
بيهه الشفه من رب البريه
هتك روحي جفاهم وج اهلهه
عله الناكر تعبه والجهلهه


منقول

تهم باطل حبيبي وجهلهه
وهيه من التهم كله بريه

ابوذيات جميله جدا عاشت الايادي

اختيار مميز وابداع ملحوظ

دمتي بخير

[هاشم نجم]

باقه منوعه من الابوذيات
عاشت الايادي
لكي تحياتي

[أنثى شرقية]

اسعدني مروركم وشرفني كثيرااا

دمتم بالف خير

لكم تحياتي

[محمد السوداني]

مجموعة رائعة من الابوذيات الجميلة جدا

سلمت اناملك اختي العزيزة .........

ننتظر كل ما لديكم من جديد

مودتي

[أنثى شرقية]

نورت الموضوع بمرورك اخوي الكريم
تحياتي الك