خلك

خلك ماصرت لوما خليلي تصير وصرت خلي برضاتك جي صرت خلك

علمتك عليه من الالف للياء تغلط بالأجابه واني اعدلك

حركت لخاطرك بالروح مثل الكاع وبوسات ورد كل عمري اشتلك

شمعه انته بحيات وعمري ضلمه ليل اشعلت روحي وخفت ماشعلك اشعلك

خاف سنين عمرك تحترك بالشوك اظملك من عمري اعزلك

وعليك اسودنت مو بس اغار عليك واحل روحي واكظك خايف تكلك

وشلي بغيرك انته والكه مثلك وين وتتعب تلكه غيري بهالتعب شلك

ياهو العلمك وتريد تمشي بعيد سل الشوك خايف باجر يسلك

مثل ضلك جنت وبالخطوة نمشي ثنين ومشيت انته بظلام وضيعت ظلك

دليني عليك اسنين تايه بيك وامشي وياي ادورك خاطر اندلك

عرفني على شخصك رايد احجي بس كلمه وبعد ما غيرها نكلك

وحدة من الثنين وحدة راح اختار لو احب كلك لو كلك احبك

واسئل ليش احبك حتى اكلك ليش وليش شما تسوي وياي اقبلك

لحظه موت سنين عمري كلهن خوف بس وياك امن لمن اوصلك

وانته اخر نفس وشكد عزيز صير وبلحظه موت تريدنا نملك

خيط على الجرح وبلحم صرت وياي لو كل الجروح اطيب ما افلك

تعرف كلشي بيه وما عرفت شبيك لغز حلك لغز من يكدر يحلك

واشرد حتى اجيك ومدري ليش الخوف خاف تخاف مني بسدك اختلك

مثل ضلك اضل واليل يكظي الليل ومن تطلع شمس من طولك انزلك


مما راق لي

[حسام العراقي]

الله عليج يافاتن تسلم ايدج كلام كلش حلو
اتمنمالج التوفيق تقبلي مروري

[جناتي]

كلام جميل .. اتمنى لك المزيد من الابداع سلم قلمك لما خط لنا من الكلام الحلو

شكرا لكم احبابي ولمروركم العذب مع كل الاحترام والتقدير

[محمد السليطي]

انتقاء جميل جدا يامبدعه

[محمد السليطي]

انتقاء جميل وروعه
تحياتي

[الشاعر محمد الحميداوي]

رائع ما انتقيتي يا رائعه تقبلي مروري واشكر سؤالك عني يا غاليه تحياتي لك يا فاتن

شكرا لمروركم وردودكم الجميله نورتوا صفحتي المتواضعة

ولكم مني اجمل بافة من زهور النرجس والياسمين