نكت رووووووعه جداً
اليوم اني جايبه الكم نكت كلش حلوه وعلى اختياري
فاتمنى ان تنال اعجابكم
يالله شدوا الحزام الامان لان خاف توكعون من كراسيكم هههههه
بس ها الي ماكل ثريد او باجه احسله ليدخل لان اني ممسئوله
اذا انفجرت بطنهم من الضحك واني راح اخلي رقابه حتى لايدخلون
ونتبلي بيهم بهل اليوم ...يالله مشوها على خير
نسيت اسئلكم هي اليوم عطله!!! فاذا اليوم عطله فمراح احجي النكت لان كل المستشفيات معزله وين اتروحون من وراء الضحك مالتكم
لالالا طلع اليوم مو عطله
يالله توكلنا
&
&
&
&
واحد راح يحج شاف الناس تشمر حجار گال: أيّباااااااه.......لهنا وصلت إسرائيل؟
طرق النساء في تنويم اطفالهن.. المصريه : نام يا حبيبي نام . السوريه : نام يبعتلك حمى . اللبنانيه : نام تقبرني . الاوربيه : سويت دريمز بيبي. العراقيه : عووووو اجا حرامي ياخذك انطمر الله يشيلك انت وابوك
دليمي قرأ بالجريده إنه بالصين كل دقيقه ينولد طفل.. گال: هذا التطور، خو مو مثلنه كل 9اشهر
واحد عنده سرطان كال لابنه ادا متت كول للناس ابويه جان عنده ايدز علمود امك محد يتزوجها
حكمة اليوم:الباب التجيك منه الريح جيب كرسي واكعد كباله ترة الكهرباء مطفية و خوش هوه يجي منه
أكو واحد محشش سئلو سيطره مايعرفهم سنة لو شيعة.. انت شسمك؟ كللهم عمر ويدلعوني علاوي
وحدة سودة دخلها جني فجابوا الشيخ حتى يطلع الجني فبدأ يضربها ويقول للجني :اطلع،،، اطلع فرد عليه الجني ظلمة ما شوف امنين اطلع
وحده شافت زوجها يقرأ كتاب (الرجل سيد المنزل) قالتله اشكد اتحب القصص الخيالية
واحد سكران مرته موحلوه كاعد ويعيرها ها عوبه عوبه جاوبته كالتله ها سكران سكران جاوبها بالله اني سكران باجر اصحى انتي شلون ؟؟؟
واحد گل لصاحبة ماظلت وحدة بنفسي من البنات ماخلليتهه تركض ورايه گلله صاحبه شچنت تسويلهن؟ گلله أبوك جنطهن
احتفظ دائما بصورة زوجتك في محفظتك وكل ما مريت بمصيبه طلعها واتمعن بيها حتى تتذكر عندك مصيبه اكبر من كل المصايب
اكو 3 لوتية راح متأخرين عالدوام كاللهم المدير ليش متأخرين ؟؟ الاول كال جنت مضيع محبسي ودورت عليه الثاني كال اني جنت اساعده .. الثالث كال اني جنت دايس عليه
هندي كام من النوم يصرخ نهي ربي نهي.......سألوه خير؟؟ كال حلمت آني عراقي
تعلن شركة التبريد عن انتاج مهافيف بقوة 48حصان تحت شعار هفي بيدك محد يفيدك
مرة ياباني وعراقي قاعدين بقهوه, الياباني شال ايده وخلاها على اذنه وقام يحكي, العراقي سأله: شنو هذا ؟؟ الياباني قال احنا وصلنا لمرحة من التطور حولنا الايد الى موبايل , ورا شويه العراقي رعش رعشه قويه قدام الياباني ,الياباني سأل العراقي شنو السالفة سلامات , العراقي جاوبه: ماكو شي بس استلمت فاكس.
وحده حلمانه واحد يركض وراها قالت له ليش تركض ورايا
قاللها اني اش دراني ؟؟ هو انتي الحلمانه لو اني؟؟
مصلاوي الله كتبله تلاث بيوت بالجنه .............. باع واحد واجر اثنين وقعد ويا ابن عمه بالنار
محشش دخل عليه عزرْْْْْأيل قاله انا ملك الموت قاله خرعتني عبالي مغاوير
مصلاوي مات... لقوا بوصيته مكتوب آني غاسل.. لا تغسّلوني
ولد كلش نازك دخل العسكرية, سأله الضابط: شنو اسمك قاله: اسمي توتي, كام الضابط وضربه راشدي وقال: روح وباجر تجيني باسم رجال, راح ورجع ثاني يوم وسأله الضابط شنو اسمك, قال: توتي الشرير
قزم شارك ابرنامج من سيربح المليون قبل ميصعد على الكرسي طلب مساعده الجمهور
*مره رجل قوي كلش تزوج امرأه قويه كلش , اثناء الانجاب الطفل قال للدكتور :وخر اني انزل وحدي
فد يوم واحد شاف صاحبة يلعب بخشمة كله هاي شنو الشبكة مشغولة كالة لا والله الذاكرة ممتلئة
سأل استاذاللغة العربية طالبا: اعرب جملة ( فشل الولد في مصارحة الفتاة) فاجاب: فشل فعل ماضي مبني على عدم الخبرة , الولد فاعل مرفوض لامحل له في قلب الفتاة , الفتاة مجرم به وعلامة جريمتها رفض الولد
واحد متدين امة سالتة شلون تريدها العروستك ؟ قال" اريدها و العياذ بالله و العياذبالله تشبه اليسا
يالله الي يشاركوا في هذا الموضوع خلي يكتب ياهيه الاكثر نكته عجبته وشكراً جزيلاً لكم
دمتم بخير
رد مع اقتباس
رد: نكت رووووووعه جداً
