ابو ذيات السلطاني

[الشاعركريم السلطاني]

كمر وشرك حبيبي أبليل ويهة
وبالدلال نار الشوك ويهة
ألتفت لمن صحت يفلان ويهة
شفت خدة وطحت مغمي علية
bababa
الكمر ياخذ حلاتة من حركتة
ودليلي أبنار ورث من حركتة
أنعما الله أعليك بيتي من حركتة
ولاجنك كعدت أبذاك فية
bababa
ألك يوم أبعدت يازين فيه
ولاهمك أبد ماصار فيه
نسيت البيت ذاك وذاك فيه
علي شحييت أبوصلك علية
bababa
حبل وصلك عكدتة سنين منحل
أبعون الله قوي والحيل منحل
صرت آنة الزماني اليوم منحل
العسل ألهم ونة اللدغات بية

[امير الاحزان:]

حبل وصلك عكدتة سنين منحل
أبعون الله قوي والحيل منحل
صرت آنة الزماني اليوم منحل
العسل ألهم ونة اللدغات بية
.......................
حلوه اقولها لك اخي الغالي
ها انا بدأت يوم عن يوم اجد الق يراعك قد زاد بريقه
بوركت اخي الغالية
تحياتي الك

[سلام الدراجي]

والله كلهن حلوات لانك انت حلو تحياتي وامنياتي لك بالتميز دائما

[نسيت انساك]

تسلم الايادي ياورده
ابوذيات قمه في الروعه

[ام فيصل]

كمر وشرك حبيبي أبليل ويهة
وبالدلال نار الشوك ويهة
ألتفت لمن صحت يفلان ويهة
شفت خدة وطحت مغمي علية

الله يساعدك ياكريم
ابوذيات جدا جميلة
عاشت ايدك عزيزي
ودام لنا هذا الإبداع
مع خالص تحياتي

[محمد السوداني]

كمر وشرك حبيبي أبليل ويهة
وبالدلال نار الشوك ويهة
ألتفت لمن صحت يفلان ويهة
شفت خدة وطحت مغمي علية

الله ابدعت اخي العزيز ابوذية جميلة جداً
صح السانك وعاشت ايدك يامبدع
تقبل تحياتي وودي