المصايب بس على روحي تلافت
يكَلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه
وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه
شهر سيف الهجر ضدي وسله
نساني اوراح وي غيري وسله
عنب ماحصلت مــنه وسله
طلع ذيب أوكتلني اربـات إديه
ناحل وامشي امكابر تراني
اجلّد خاف عـدواني تراني
تاره الموت يدهـاني تراني
اصيحه من يمر شامت عليه
(( منقـــــــــــــول ))
عزيزي ارجو مراجعة هذا الرابط للأهميةhttp://www.alforat.org/showthread.php?t=22548