[quote=الشيخ ابوحيدر;1045324]ماﮔــــــــولن كلام اليخدش الاخلاق
موطبعي ولاريدن بهاي انوب اطبع
جاهل انته ادري وقاصــــــر بمعناك
وانه اخلاق اهلــــي تزقلي بالمرظع
عبد مامور عفيه تلوﮔــــــلك محلاك
لاكني عنيد وما أعــــــــــرف اركع
لو مرن عليه مكـــــــــــدرات البين
احطنهن وساده ومحله هل مضجع
ماعدك كرامـــــــــــه ولاحسن تدبير
مني اخذ المشوره وكون بس تقنع
تفهمني اعرفك ذنـــــــــي كلهن بيك
وادري الليل كله اليــــــوم تتصركَع
بس باﭼر حساب ودﮔـــــــت الميزان
يشيب الطفل منه بســـــاعت المطلع
خلي حجاي الك محروزه يم حسين
يوﮔـفك عل سراط شبيك لا توكَع
يوم يصير خصمــــك طّه و الكرار
وذنوبك جبال هنـــــــــاك وشينفع
يالمكثر السواد كَبال وجه حسين
باﭼـر ذله خايب بيــــــــــه تتبركَع
حاسبه النفس من هسه حار بحار
لاتكَول نطرشت وﭼنت ما اسمع
نار الدنيه هينه وانته تدري بهـاي
شلون بنار وجرها الـــــــذي ابدع
بقلم الشيخ ابوحيدر الشويلي
29|1|2011
أردت الاقتباس لاكني لم استطع
فقتبستها كلها فهيه درس راقي
من العيار الثقيل عمي الشيخ
تحياتي لمدادك الراقي
نصـــــــــــيحه بلاش
رد مع اقتباس
رد: نصـــــــــــيحه بلاش
