المجموعة الاولى ابوذيات فردية / بقلمي / تفضلوا

[ماءالسماء]

عرفتك من وصلت الحدي ........ وكفيت
واعرفك انت قد وفيت ........... وكفيت
سهم هجرك اجة بالكلب .......... وك فيت
صرخ كلبي وحضن شخص المنية

ردت بالطيف اجيك او كلت ....... بعدين
اوصارت رحلتي ويك ............ بعدين
بعد انت اوبعد انا........... وبعدين
افز من الحلم وصفك ادية .

عجب دنياك تسري ..... مسر حية
وحس مسة شفافك..... مس رحية
شفت ضيمك لونك ...... مسرحية
تفرجت او بجيت اعله الاذية .

خلاني الوكت فلاح .......برضاك
اعتليت انة الارض والارض .... بر ضاك
اذا انت حكمت الناس ....... برضاك
انه تحتك مهمتي اخذ تحية.

[همس الغروب]

رووووووعه
تسلم الايادي
جميلة ورائعة
تحياتيلك

[حيدر القريشي]

عجب دنياك تسري ..... مسر حية
وحس مسة شفافك..... مس رحية
شفت ضيمك لونك ...... مسرحية
تفرجت او بجيت اعله الاذية .



ردا على بيت الابوذيه الخاص بك

سريت وياك لكن مسرحيه
لان مسراك اعرفه مسرحيه
عشرتي وياك صارت مسرحيه
ضالم مثلت دور الضحيه

وتحياتي الك يا متالق

[محمد السوداني]

ابوذيات رائعه اخي العزيز صح السانك وعاشت ايدك
دام لنا ابداعك ونزف قلمك
تقبل تحياتي وتقديري