كافى قتل

[العراقي الطيب]

كافي قتل بسك تذبح بهالناس

موهاي الكاع فاضت فيض من دمنة


خل انسوي حل ونمحي هذا الصار

تدري اطفال يامه هسة يتمنة


عشنة سنين يامة احنة باب باب

شوف الفتن خوية وين ودنة


جبنة العمر كله ضيم وي هموم

انة وياك يامة حروب حاربنة


بحرب تشرين رحنة مانهاب الموت

فوك الموت دسنة وابد ماهمنة


جيب ايدك بأيدي وانسة كل الفات

وبحبي وي حبك نبني وطنة


مايحتاج اكلك (علي) تعرفة زين

اول باالاسلام تبشر الجنة


تعال وياي مرة بحب ابو (الحسنين)

شوف شلون حبة يزول كل همنة


يم كبرة نكوف ندعي رب الكون

بجاه (الله)ورسولة يجلي هالمحنة


نرجع مثل الاول خوة ايد ابئيد

مانسمع بعد كلمة شيعة والسنة
منقول

[ارشيف الفرات]

صحححححححححححححححححححححححححححححححححححححح
السانك ياطيب

[العراقي الطيب]

شكرا يررائعة منوررررررررررررررررررة


انزف جرح ياوطن بيه الك مية جرح

كلما يهد الالم بجروحي اذر الملح

افديك ياوطني لومية مره انذبح

واشرب نخب هيبتك من المسا للصبح

مثلك محب ما الي ومثلك جرح مايصح

[cyranoo]

ماشاء الله عليك اخي
تقبل تحياتي
اخوك سيرانو

[سواد الليل]

تسلم يالطيب على مشاعرك الحلوه

احسنت يا عراقي يا طيب وبارك الله بيك وبمشاعرك الطيبه اتجاه بلدنه الجريح

[ارشيف الفرات]

الاخ المحترم العراقي الطيب
لك شكري وتقديري واحترامي على النقل الرائع
وعلى مشاعرك الحساسه
نسئل الله ان يحفظ العراق والعراقيين من كل سوء
تقبل مروري

[العراقي الطيب]

شكرا لااطرائكم المعبر ووهج حبكم للعراق وشكرا لمروركم تحياتى
إيخسه التاريخ إذا مو باول أحروفه
يحط اسم العراق ويشطب الثاني
عراقي آني البكلبي على الساني
آنه الماصحت يوم أحاه
وعلى امتوني تكطع صوت سجاني

*************************8
عراقي آني
ولو تعرفني كل الناس بس أعطيك برهاني
من داروا عليّ عرب آخر زمان وحتى جيراني
ما هزوا وحك عيناك
شعره من شعرات وجداني
عراقي آني