استقالة وزير الكهرباء..عاجل..زهير العقابي

بين واعي وبين فاقد مر عليه الخبر عاجل
احد ازلام الحكومه احترم نفسه وكال راحل
سلم من غضبة حليم وبقراره اتضح عاقل
العراقي التهب ذاته ومن عرينه كام قاتل
وقرر ايهد المعابد وانه اعرفه اشكثر باسل
ويا هبل سحكوك والله والسره للات واصل
وجت الغيره بنادق والكصص عركت قنابل
وصاح ابن البصره صيحه هدت اركان المنازل
والشهيد اعيونه تضحك زفته اصوات الهلاهل
صرخ ابن الصابرات علظلم هل من منازل
هذا سيف حسين بيدي وانه جف عباس حامل
ثورة الحق عل الضلاله ومانخلي اليوم جاهل
وخضرت كاع البطوله وضحك ورد الجان ذابل
ولعلت روسه اعلى زرعي لابد اتحشه المناجل
انولد ثوب اسمه عداله وبعد ما تطلك حوامل
صرخ بوق الحق ينادي ايريد شعبي انسان عادل
صرخ بوق الحق ينادي ايريد شعبي انسان عادل
العراقي المايله بصبره عدلها
حسب زلاتها وبطل عدلها
حكم الدنيا من يضبط عدلها
بس ابن العراق البيه حميه
السلام على الشهداء..
وعلى ارواحهم الطاهره.
استقالة وزير الكهرباء..هي بداية النهايه لكل من استخف بحرمة اهل العراق.
شهداء انتفاضة الكهرباء دماءكم دين في رقاب كل العراقيين ..فلنجعل من دمهم مشعلا يضيء طريق الثائرين..


بقلمي
زهير العقابي

الله عاشت ايدك احساس جميل

مشكور اخي زهيرالعقابي ولاكن علمي بك شاعر حساس جدا فلماذا هذه الغه العنيفه في قصيدتك وايظا انالم اسمع بثورة الكهرباء حدعلمي لم يتظاهر احد على الكهرباء ارجو الرد على تسائلاتي

مشكور اخي زهيرالعقابي ولاكن علمي بك شاعر حساس جدا فلماذا هذه الغه العنيفه في قصيدتك وايظا انالم اسمع بثورة الكهرباء حدعلمي لم يتظاهر احد على الكهرباء ارجو الرد على تسائلاتي

ابو شامه
الله اعلم

السلام عليكم
اخواني الاعزاء
اخواتي..
قد تصل تفاهة الانسان الى مراحل الاستهزاء
لكن ان يستهزيء بدماء ابن شعبه
فهذا وحده عار..
نعم الذي لا يحزنه حزن اهل بلده
والذي يحسب نفسه ذكيا ومتحاذق
لا لشيء الا ليستظرف دمه
اقول له..سلاما
ولا تستحق والله ان تكون انسان
لانك غير ذلك
زهير ناصر العقابي

[شاكر الهلالي]

ايدي على ايدك ولكن اقول

لقد اسمعت لو ناديت حيا ؟

شكرا لك اخويه زهير عاالقصيده الرائعه

دمت بخير واتمنى لك التوفيق 0

اخي العزيز لماذا هذا الهجوم الكاسح انت شاعروكلك حساس جميل وانالايقال لي سلامابس اريداسال
الخوه في النتدى هل في كلامي مايشين اويجرح اويمس قصيدتك الخاليه من اي صوره شعريه هي كلام منظوم كلاسيكي قديم ممكن اي واحد ينظمه ويدعي انه شاعراراك بود ومحبه وتقدم ورفعه

[ابو سجاد الركابي]

العقابي\ رائع انت وقصيده رائعه تحياتي اليك
وردي الى الاخ ابو شامه
ارد اسألك يابو شامه
ظهر يومك هم تنامه؟
ان جان راضي بهل المهانه
كلي جا وين الكرامه؟
ولو كلتلي لنه راضي
فعلى الدنيه السلامه
اخي ابو شامه المظاهرات قائمه على قدم وساق (ليش وين انته)بالخضراء لو بالقطب الشمالي
تحياتي اليك