جنت احلم بيك وانه بعز صباي

[الشاعر ماجد الدعمي]

(الكلب صح يميل لكل واحد هواه )
وانه كلبي من مامال انجرح
جنت احلم بيك وانه بعز صباي
شلونه حالي وحلمي بجفوفي انذبح
جنت احلم بيك صوت وبالضمير
وجني اشوفك وحتى لو وصلك يشح
وجنت احط همومي بيدك واشتكيك
ومن اريدك يصير لكليبيي جنح
جنت احلم بيك دنيا وكلهه شوك
مو مهم شتكون بس طيب سمح
جنت احلم بيك وعيونك امان
وبعين وكتي جنت اريدنك رمح
وشكد تنيتك وعدت سنيني وصباي
وعله جروحي صارلي غيابك ملح
ومرت سنين شكثرهه وانه وين ؟
مره اكول اليوم يوصلني ويعود
واقبل بعمر الشيب لومره تصح
وانه تاني وضاملك كل الحنين
وضاملك كل القصايد التاكل
بروحي اعله مودك
وضاملك شوك السنين .
وعفيه وكتي ها كثر هيجي وكح !
وشأرد اوصفك يالبعيد
يارق من كلشي انت
ويا احن كليب انت
ووينك انت ؟
مو جنت احلم بيك وانه بعز صباي
وشكثر ظميت العطش
بس حلمت اجيني ماي ...

تحيات ماجـ الشاعرـــد
24 /3 /2009

[عبدالله الرفاعي]

الاخ ماجد
قصيدة جميلة بجمال روحك العذبة
تقبل مروري

[الشاعر ماجد الدعمي]

شكرا لك حبيبي عبدالله كلك ذوق وتحياتي الك
واذا هاي صورنك وي السيد هواي اني شايفك ..
تحياتي لك مره اخرى

[محتاره]

كلماتـ رائعه ابحرتـ بها في عالم الابداع

شكرا لك ولقلمكـ الرائع

تقبل مروري

مودتيـ

[ملكة الاحساس]

تسلم وعاشت ايدك قصيدة جميلة جدا

[ام فيصل]

يــامــاجــد
ماذا عساي ان اقــول امام حرفك الأنيق
واحساسك الرائع وكلماتك المعبرة
اشجتني كلماتك بكل حزنها وانتظارها الطويل
قصيدة ككل قصائدك رسمتها باجمل الألوان

تحياتي للرائع دوما

[الشاعر ماجد الدعمي]

شكرا لك محتاره الغاليه وعلى مرورك الجميل الابداع يتجدد بتواصلكم

[الشاعر ماجد الدعمي]

الغاليه ملكة الاحساس شكرا لمرورك الطيب نورتي