ابوذيه الى مربيتي وملهمتي

[سلام الدراجي]

إلى مربيتي وملهمتي


\\\\\\\\\\\\\\\\\\\\\\\\\\\\\\\\\\\


اخذ گلبي ابحنان ارجوك أمنه


وأحس وياچ كل دنياي أمنه


ابويه انتي واخوتي وانتي امنه


وعلى راسي احطچ تاج اليه


الدكتور


سلام الدراجي

[ام فيصل]

والله والنعم فيك
ابوذية رائعة بحق الأم ( طيبة وحنان الكون كله )
صح لسانك يبو حيدر
وعاشت ايدك عزيزي
تتحفنا دائما بما هو رائع ومميز
دام لنا هذا الإبداع
مع تحياتي وتقديري

[شاعر غرام]

ياروحي وحياتي وگلبي أمنه


وأحس وياچ كل دنياي أمنه


گلبي الهام بس عندچ اامنه


وتضل صندوگ گلبي الذهبية


تسلم يمينك
الوالده تستحق
نور العين

[رنا العراقية]

يمنه
گبل مثل الحمامه تحوم..يمنه
وگبل چانت اليّه الايد..يمنه
تحت جدمچ الجنه صدگ..يمنه
ورضّاتچ من رضا الباري عَليه




صح السانك

تستاهل الام ماي العين مو بس نكتب شعر الهة


تحياتي

[سلام الدراجي]

الاخت ام فيصل مرورك عطر متصفحي شكرا لكي

[أسامه الشاعر]

سلمت ودمت ابو حيدر
كل تقديري لك

[أنثى شرقية]

عاشت ايدك وربي ينطيك الصحه والعافيه
وعشت والله الام متتعوض ورضاها بالدنيا عندي
وربي يحفظ جميع امهاتكم ياربي



ودام نبضك ودام مداد قلمك لنا
تحياتي وتقديري الك

[محمد السوداني]

اخذ گلبي ابحنان ارجوك أمنه

وأحس وياچ كل دنياي أمنه

ابويه انتي واخوتي وانتي امنه

وعلى راسي احطچ تاج اليه

والله وعاشت ايدك شاعرانا المبدع ابو حيدر
تحياتي الك ولكل الامهات العزيزات
صح السانك اخويه العزيز
تقبل تحياتي يارائع والله يحفظها الك