احبتنا واخوانا الدليم
طيار دليمي وگعت بيه الطيارة ... لمن لگوا الصندوك الاسود سمعوه يگول للمساعد: ماتفتحلنا جامة الشباك شوية من يمك ؟
.
فد مره ثنين دليم ديلعبون ختيلان ضاعو
.
دليمي ياكل دولمه وره الغدة ليش...؟؟ عبالة زنود الست
.
دليمي قرا بالجريده إنه بالصين كل دقيقه ينولد طفل.. گال: هذا التطور، خو مو مثلنه كل 9 أشهر
.
سألوا دليمي: انت تدخن ؟ گلهم: والله من امشي ما اباوع ورايه.
.
دليمي راكب بهليكوبتر... گال للكابتن: بروح أبوك ماتطفينه المروحه الفوگ.. ترى بردت شويه.
.
دليمي مرته جابت توم.. فرح حيل و گال للطبيبه: والله ما أطلعها من المستشفى إلا تاخذين واحد بشاره.
.
دليمي زعل على مرته.. إجت ترضيه.. گالتله: أسويلك مساج؟.. گال: لا متعشي بره.
.
دليمي معزوم بعيد ميلاد من خلصت الحفله گللهم: ياجماعه عود باجر العيد الميلاد عليّه.
.
دليمي سافر بره دز لأهله صورته بلباس السباحه... دزوله ملابس.
.
دليمي أهدت اله صاحبته ببغاء.. وره فتره خابرته وسألته: شلونه الببغاء؟.. گللهه:عادي مثل طعم الدجاج.
.
دليمي ديمشي عالجسر ويگول: أيباه غير بالكونه ضخمه
.
دليمي وگـّف تكسي گال له: فارغ؟ گال نعم : كال له متنزل نسولف شويه نگضي وكت.
.
دليمي عنده سن مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الجلب
.
دليمي اشتره تكسي.. بالشارع يصيحون عليه تكسي تكسي.. گاللهم عمي ادري والله ادري عندي تكسي.
.
دليمي گال لابوه: بابا خل نروح لحديقة الحيوانات ابوه گال له: لاتستعجل ابني فد كم يوم همه يجون ياخذونه
.
دليمي أشتره علچ أبو السهم ..صار الليل وهوه يعلچ.. گالوله نام.. گال: بالحرام.. ما أنام إلا أخلصه.
.
دليمي أتصل بالأطفاء گاللهم:شنو إذا ماكو حريق منشوفكم يعني؟
.
دليمي حب يتغزل بمرته بالفراش گال لها:شايفه هذاك القمر؟؟ گالت:إي.. گال :ريحة أباطاتچ واصله يمّه.
.
دليمي عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه
.
دليمي سأل أبو المحل:عندك تلفزيونات ملونه؟ گال له نعم.. گال فد واحد أزرگ للجهال الله يخليك
.
دليمي اشتره لإبنه سيارة شبح، گال له: مشي بيهه حالك لما أحصللك رينو زينه
.
دليمي گال لأبوه: يابه أريد اكمل دراستي بالخارج.. گال له: خللي أمك تفرشلك بالطارمة
رد مع اقتباس
