ㄨأريـــد أڪـتــب قــصــيده وڪـــون تـــسمـعـهـــاㄨ

[سفيرة الاحلام]

اريد اكتب قصيدة وكون تسمعها

وشوف اشگد عشگ شايل بمطلعها

القصيدة بس الك.. واخفيها عن الناس

بس يمك اجي.. ويمك اطلعها

اسولف بيها كلشي وما اضم اعليك

وعلى اجفوف القوافي اسراري اوزعها

گلبي اسرار بيه محجبة امن اسنين

لاذب احجابها بحضنك وافرعها

القريحة تحركت بي واجاني الهام

وما اعرف الفكرة منين منبعها

ارصعك بالغزل كل ضني هذا الچان

القصيدة انوب رادت بيك راصعها

منجم شاعرية وكلها طمعت بيك

وشكو كلمة غزل حسنك مصنعها

مو صدفة العرب كتبت سبع لواحات

وردت بلثلاثة انوب تتبعها

السبعه العلگوهن عالجدار هناك

ملهمهن چنت جنت انت مرجعها

وانه اليوم اجيت وحاير ابدي منين

روحي ال.هوس حبك گلبي يدفعها

دفنت نوحها روحي وتعنت ليك

يبو چفوف الحرير ارحم بمدمعها

جوعانه اشكر للعشگ صار هواي

بلذة شوگ روحك روحي اشبعها

گطرة مطر طاحت روحي وانت الگاع

ترجع للغيوم اشلون تقنعها

يالفكيت بابك لا تسد الباب

وعلي لو مو قفل رزاتك اشلعها

ماخسران كلشي اتصير لو متصير

روحي بنار حبك عيشة مصرعها

يالطبعك نحل لو عسل لو لدغات

ياهي التصح منك ما نرجعها

منقول
تح ـياتي

[الشاعر محمد الحميداوي]

اذا كان للذوق من قرين فهو انتي انتقاء بغايه الروعه سفيره تقبلي مروري ولك مني كل الود

[ابو ابراهيم الخزرجي]

يالطبعك نحل لو عسل لو لدغات

ياهي التصح منك ما نرجعها
رائعه في نقلك الجميل وسلمت يداك خالص تحياتي وتقديري. تقبلي مروري سيدتي سفيره

[أحمد الكعبي]

الله على روعة انتقائك
أختيار رائع سلمتِ على النقل المميز

[سفيرة الاحلام]

اشكركم على مروركم العطر
لقد اشرقت صفحتي بتواجدكم الجميل
الله لايحرمني من اشراقتكم
تح ـياتي و ودي

يالطبعك نحل لو عسل لو لدغات


ياهي التصح منك ما نرجعها


جميلة جدا سلمت الايادي

[سفيرة الاحلام]

فاضلي,,
شكرا بحجم البهاء
لهذة الاطلالة
لاحرمت هذا التواجد


تحاياي و احترامي الجم

[الطاووس البلداوي]

الاخت الغالية
سفيرة الاحلام
يسعدني كثيراً
ان اقف هنا بين
جمال عطائك
وروعة احرفك
وبهجة اسطرك
لاخط اعجابي
بأختياركِ المميز
وكلماتك الرائعة
تحياتي
.
.
.