ابوذيه ... للشاعر علي الجميل

اليوم جبتلكم زنجيل ابوذيه
من كلماتي انشاء الله تنال اعجابكم




بحنانك منو يشبهك بكلبهم

وزمن بروج الحب عليك كلبهم

يوم رحلت عني أنكلب هم

يوم رحلت عني كتلني بعداك

واتمنه الي بيه يصير بعداك

كلبك رهيف بلحب بعداك

لو نساك الغرب شكل اهلك

كل يوم بحبك انه أهلك

وصيح احبك ليش عفتني أه لك

وينك أريد منك بوسه وحضنه

وياك مافديوم كعد حضنه

لو اجه ألليل اشبك صورتك وحضنه

بلكت ينكسر كلبك عليه مره

وبين ايدك روحي ومره

ألليالي هجرك بكلبي مره

وبين اشفافك محطوط عسل بيك

عساهن يمرن بيه وعسى بيك

حنضل كلي وانته عسل بيك

خليه للنحل صاير لئنك ورده

روحي تروح يمك ورده

رسايل الشوك مايوم منك ورده

كلت عافني الحبيب وهلساني

ماينطق بغير اسمك هلساني

وطير صرة بغيابك وزمن هلساني

زماني سجينه عليه بلاحد

وانته حبك بكلبي بلاحد

كلت نتلاكه بل احد

وراح الموعد وعشت حزنه

والغرب عليك ياحبي حزنه

وسلمت ايدك بسيف حزنه

بلكت ينكسر كلبك عليه خاطره

كلساعه اغازله بقصيده وخاطره

كلت راح انسى بس يضل خاطره

اشلون انسى وكلبي بين اديه

[نسيت انساك]

تسلم الايادي يامبدع

ابوذيات قمه في الروعه

[ام فيصل]

مشكور عزيزي صقر بغداد
مشاركة جيدة بمعانيها
ولكنها تفتقر للوزن وفيها الكثير من الزحاف في البيات

نرجو ان نرى مشاركاتك القادمة وتقبل منا هذا التوضيح بصدر رحب
لنراك شاعرا كبيرا

مع تحياتي لك

[محمد السوداني]

مع تحياتي

اخي العزيز صقر بغداد صح السانك لهذه المعاني الاكثر من رائعه
تمنياتي لك بالمزيد من الابداع والتألق

لك ودي وتقديري