اخر صيحة في عالم الاختراع في العراق

[عراقي هواي وميزة فينا الهوى]

بسم الله الرحمن الرحيم
شدني احد المواضيع في الانترنيت
والحق كل الحق لكاتب الموضوع ان يتفاخر في بلده وما قدمته دولته من انجاز
واليكم ما قدمت هذه الدولة لمواطنيها والتي جعلتهم يفتخرون بها


* أكبر سارية علم

* أطول علم

* أكبر باقة ورد

* أكبر علم عقاري

* أطول برج

* مسجد الشيخ زايد ( يعد من أفخم عشر مساجد في العالم )

* أكبر سجاده صنعت باليد

* أطول ثريا يصل طولها إل 7 أمتار

* أكبرمنطاط يحمل صورة المغفور له الشيخ زايد بن سلطان يجول حول العالم

* أولفريق رحاله يطوف حول العالم برا

* أكبر صوره صنعت بالطوابع للوالد المغفورله الشيخ زايد بن سلطان

*أكبر سيارة إسعاف

* أكبر مدينة ألعاب مائيه

* أكبر مدينة ألعاب

* ثالث أكبر مدينه سكنية مدينة السلام

* أكبر مصنع للإسمنت الابيض

* ثالث أطول نافورة مياه

* أكبر مدينه ثقافيه عربيه ( الشارقة )

* أكبر قالب حلوى صنع للوالد المغفورله زايد بن سلطان عند عودته من رحلة العلاج

* أكبر مشروع سكني فريد من نوعه ( مشروع النخلات الثلاث وخريطة العالم )


* أكبر جمعيه خيريه ( جمعيةالهلال الاحمر )

* تخصيص أكبر جائزه لحفظ القرآن الكريم

* أكبر مولفي العالم ( نور العين )

#على مستوى الوطن العربي


* أكبر وجهه سياحيه

* أفخم فندق ( قصر الامارات )

* أكبر مدينة إعلاميه

* أكبر مركز تجاري ( مول الامارات )

* أول دولة عربيه تتولى موانئأمريكيه

* أول فندق يبنى تحت مياه البحر

* أكبر مشرووع سكني (إنشاءعجايب الدنيا السبع )

ـ ـ ـ ـ ـ
واليكم اخر ما تم اختراعه في العراق
وخلي تفتخر الحكومة على كرسي خشب يتعاركون عليه
اتفضلوا ما قمده المواطن العراقي لاخيه المواطن العراقي
مو الحكومة قدمت للمواطن

اولا اود ان اشكرك على هذا الموضوع

نعم اخي ابو الغيث هذا ما توصلنا اليه من اختراع

وعلى الحكومه ان تفتخر ان الدوش اصبح متنقل

مو احسن من الطلايب على الكرسي الي راح تاكله الارضه بيوم من الايام

هو بس هذا الاختراع ياخويه

والله بعض الاحيان تصادفني شغلات يعجز عنها العقل

لكن ما تكون عندي كاميرا للتصوير بوقتها

على كل حال

اتمنى من الحكومة الصائمين والحجاج المحترمين

ان يمرون على هذا الدوش وياخذولهم فد رشه زينه بلكت يصحون من كابوس الكرسي الي معرتين بيه من الصبح لليل
بس صح المثل الي يكول


علج المخبل ترس حلكه

تقبل تحياتي

طبعاً هذا الدوش يحتاجة يفزز كذلك ناس كثيرين
منهم الي كاعدين بالخارج وفايخين ويريدون يرسمون سياسة العراق على اهوائهم وشلون ترهم ويه تصوراتهم الاوربية الغربية

عبالهم الناس نايمه ومطفية مثل اول من جان محد يعرف الزعيم منو مال بلده وتستغلفل بسياساتهم

ومن هناك يلولحون لنا بتنظيرهم وافكارهم السياسية الوهميه والكاذبة التي لا تخدم الا مصالحهم

مثل سياسينا العراقيين حالياً بالضبط

هم جانوا كاعدين بره عمارات وشركات ووو
او اذا ماكو شي عنده كلش فهو ياكل براس العراق بحجة شنو ..!؟
لاجئ سياسي عيني ..!

اما ولد الخايبة الي كاعدين اهنه بالعراق بالضيم والاهانه والعوز والفقر ...
عليهم لازم يستقبلون افكارة وآرائه وتطلعاته وتنظيره الي جايبها النا مناك من الربع بكل رحابة صدر ..!

لان هو جان وين ..!؟
بره وكل شي يفهم ..!

ما يدرون الدنيا ادور وهم يجي يوم يلفضون مثل ما اتخزوا الحاليين

ورحم الله الشاعر رحيم المالكي يوم كال ::
(( مولهذا الشعب قد ماتضيع حقوق باجر بانتفاضه انشك كثير حلوك عرفنا الباكنه ونعرف اليوميله ))...

اتمنى ان تصل رسالتي لهم

سجينة خاصرة

[ام فيصل]

والله العظيم بس هذا المنظر يكسر قلب اليهودي مو بس المسلم

ماادري وين الضمائر
وين الإنسانية
وين العدالة وحفظ الحقوق
وين الديمقراطية الي ينادون بيهه والرفاهية للشعب
وين الغيره والناموس على الشعب المظلوم الصايم
وينكــم عن هذه الصور والمآسي يااصحاب الكراسي
والله حرااام عليكم لابارك الله فيكم ولا بكراسيكم

يارب شهر رمضاان
يارب المستضعفين
انظر بعين الرحمة على عبادك المظلومين المستضعفين
وانتقم لهم من كل من لايخافك فيهم ولايخشـــاك
ولاحول ولاقوة الا بالله العلي العظيم
اللهم إنا نسألك اللطف بهذا الشعب الصابر
ونحن نعلم ان مابين رمشة عين وانتباهتها تفعل ماتشاء
وتغير الأمور من حال الى حال

مع تحياتي لك عزيزي
ماادري شناوي علينه يبو الغيث
ونحن نعلم ان هناك الأصعب والأمــَر

[ابو فاطم]

والله مصيبتنا مصيبة
ابد العراقيين ما شافوا راحة ولا خدمات ولا أمن ولا مى ولا كهرباء ولا حياة حرة كريمة
ولا حتى ابسط حقوقهم
مثل باقي الدول إلي خيراتنا كانت تغطيهم
همه يصعدون فوك واحنة ننزل تحت ...

الله إلك ياعراق
والله يلعن كل ظالم
والله فضحونا .. راح يصير سنة .. وبلد بدون حكومة
لو كان عندهم ذرة حياء والله كان تركوا العراق وخلوا العراقيين هم يحكمون نفسهم بنفسهم
هم يمكن الامور تكون احسن من هذا الي بالصور وإلي يكسر الخاطر
على ما صار عليه هذا الشعب الطيب
إلي يستحق كل الخير ، لكن يجازوه بكل شيء سيء
وملتهين بسرقاتهم وصفقاتهم الوهمية وكأن خيرات العراق مال أبو إلي خلفهم
الله يقصم ظهور الظالمين ويخلص شعبنا منهم
بحق هالايام الشريفة وبحق الحسين وفاطمة الزهراء
ويجيلنا رجل شريف يخلص هالشعب ويعيد بناءه من جديد
الله امين

وكل الشكر للاخ الحبيب ابو الغيث على هذا الطرح المهم والمؤثر
بارك الله فيك ورعاك استاذنا الغالي

[مسافر بلا عنوان]

لا حول ولا قوة الا بالله العلي العظيم
موضوع مؤثر حيل والله
طفرت الدمعه
تحياتــــــــــــــــــــــــــــــي

[سعدالجابري]

بسم الله الرحمن الرحيم
طبعا بالنسبة الى الاخوان الاماراتيين الله يزيد عليهم النعمة حقيقة يستاهلون كل خير بلد منضم بقوانين وسياسة اقتصاديه مذهله تستحق الثناء فعلا
احنه العراقيين بالعكس نظامنه الاقتصادي فريد من نوعه بحيث تختفي ملايين الدولارات دون رقيب
اماموضوع الدوش ثق اكو هواي عراقيين حسره عليهم الدوش في شهر رمضان والحرارة 50 درجه شفت تقرير لقناة الفيحاء في مدينة المحمودية الاقرب الى بغداد العاصمه يوزعون الماء عن طريق المختار!بالتناكر
محسود ابو الدوش لولا
تقبل المداخله وشكرا

اشكرك اخي العزيز على هذا الموضوع الرائع

بس حبيت اضيف كم انجازلمتضفه
اطول مترو
اطول برج برج خليفه

اكبر مركز تجاري مول الامارات
وفي الكثير الكثير من الانجازات

وان دل هذا الانسجاز وهذا التنافس
انما يدل على التفاف الشعب للقائد والقائد للشعب

ما قول غير الله يرزقنا بحكام مثل حكام الامارات

لان بالفعل شغلهم الشاغل ترفيه مواطنيهم
وضمان لهم العيش الكريم
ودائما ما اسمع هذه المقوله للشيخ زايد رحمه الله

ومن اخلفه

على العموم الله المستعان

تحياتي