منين اجيت ؟؟؟؟!!!!!

[بلسم الروح]

منين اجيت

الدنية مودنية عشكيبن الحلال

لاتخلينة بمحبتك ننتحر

انتة ابن العافية وابن الدلال

واحنه ولد الموت ربانه الفقر

بينة وبينك فرق كلش جبير

ومانكول انصاف كل هذا الفرق

ومانكمل السافة لحد الاخير

امن الاساس وياك مسدودة الطرق

وياك مانرهموماترهم محال

وياية ماتكدر تدوم وتستمر

وياهو كلك بالسهل درب الوصال

وانتة تدرى دروبنه موجرة مورثة جمر




منين اجيت وبالعشك عندك يقين

مين اجيت وياهو سوالك درب

انطينى مهلة وخل اشوفن وضعى زين

وخل اشوف النوب هم اكدر احب

كلبلى تيهته وشرد ماادرى وين

وانه صار سنين ماعندى كلب

وخالى كلبك انته بعيونك جمال

كل جمال الكون يمك يعتذر

نبع شفتك يعنى كلماتك زلال

والعطش بالروح يالكلك خطر



منين اجيلك حلكك يرهم اعليك

وانته اية من الحسن واحلا من الدلع

وانه يافرحة الاحطة ابين اديك

وانة بجفوفى عمر شلت الوجع

حتى ماعندى ابتسامة ضلت بالحلك

وليش تشلع كلبك بكلب انشلع

وليش تطلع خاسر ومشلول حال

وتترك الضحكة وعليمن تنقهر

راجع افكارك بعد عندك مجال

ليش بية تريد كلبك ينكسر



ادرى بيك تحبنى ماداعى الكلام

وادرى بدموعك صدك تبجيلى

من تجينى لاتكلمنى بغرام

عفيه عوف الشوك لاتحجيلى

انة ليلى بلايه واهس ماانام

اشلون لو صرت انته واهس ليلى

واشلون لو حبيت شكلك والخصال

وشلون لو باجر تروح وتعتذر

هم ترد لمن اكلك تعال

وتنتضر لمن اكلك تنتضر


احنة عدنة الحب يعنى الحب عذاب

ولازم من انحب نذب بالحب فلك

ولازم نحب باب بيتك والتراب

ونحب كلشى العايد وراجع الك

ونحب ناسك كلهه شيب وى الشباب

ولازم انحب كل عمامك وى هلك

ولازم بحبك يحب الحال حال

وكل هذى شوية لتكول شكثر

احنه ماعدنه العشك صفنه وحيال

احنة من انحب نطك وننفجر



نخاف من حبك لان حبك جديد

ذهب جنة وياهو اليشوفة ينعجب

والمشاعركمرة معصمهه حديد

وانته يم الكمرة تطلع ذهب

وياك مانصقل بعد لا مانعيد

عوفنه ولا تكول يدورله سبب

احنه ماعدنة جواب لاى سؤال

لان من شفناك تيهنة الفكر

هم شفت فد يومكالو للدلال

ليش متحمله حضن نار الجمر

الدنيه مو دنيه يبن الحلال

لاتخلنه بمحبتك ننتحر

انته ابن العافيه وابن الدلال

واحنه ولد الموت وبات الفقر




للشاعر جبار رشيد

قصيدة في قمة الروعه

كلمات مؤلمة فيها صور ومعاني كثيره

دمتي بهذا الرقي في الاختيار


تقبلي تحياتي

[الشايب العراقي]

قصه جميله دوم الابداع يارررررررررب