أبوذيات جديدة.....
يـحلو الاطبـاع واصلنيوقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل منيثگل عليـــه
********
حبيبي شلون ماحبك... ولا بيك
وأمك ماتحن مثلي... ولا بيك
عساهن بيه لوعاتك... ولا بيك
وأحوّل كل الم منك اليه
********
حبيبي آنه احبك فدوه... بس مر
لأن حبك بنص الكلب... بسمر
صحيح انت حلو ياترف... بسمر
تمرمر كلي من تمر عليه
********
شجاك ومنشدت عني ... وانا سال
وكلها تشافت جروحك... وانا سال
اشوفن دمعتك نشفت... وانا سال
دمعي على الخدين واحركهن اليه
********
شوكت من الحقد كلبك... تعله
واظن حالف على كلبي... تعله
عليه الدوني يادهري... تعله
اريد اعرف سبب هاي الاذيه
********
حسافه العمر دونك... ياهوانه
ياعشكنه ياحجينه... ياهوانه
دخيل الله انت كلي... ياهو آنه
وهويتك ليش وشجابك عليه
********
احبك واعتذر منك... وناسف
جمال ابروحك مغربل... وناسف
احط بروحي تي ان تي... وناسف
وافجر روحي اذا تزعل عليه
********
للأمانة منقول
رد مع اقتباس
رد: أبوذيات جديدة.....
