بعهد صدام جام البيت مكسور__ قصيده للوطن من روائع عبد الحسين الحلفي

[ام علاوي]

بعهد صدام جام البيت مكســور
ومن البرد ليلـــــــــــك ماتنامه

هسه البيت زين وصار بيه جام
بس كلب العراقي انكــسر جامه

الكراسي كاعده فوك الـــكراسي
لان ماكو زعيم ولازعامــــــــه

ذله بذلة نكضي الليل منــــــام
والبصبح بالمدرسه ندرس كرامه

ووالدنه الوطن بابا نــــــــــسميه
شو بابا عدل وحنةيـــــــــــتامه

عجيب شكد أيمة يا وطن بيــــك
ووجهك للرحم ما بيه علامـــــه

عجيب وبيك ابو فاضل العباس
عنده جف ولا عندك شهامــــــه

ممنوع التجول يا وطن بيـــــك
لان حتى الدرب ساحب اقسامه

وشمل منع التجول حتى العظام
والدم ماكدر يمشي بعظامــــــه

حمام الناس ونته يا وطن حوم
منك ما اظن تسلم حمامــــــــة

انت بروفيسور بقبض الارواح
وعزرائيل الك دنك الهامـــــــه

يوميه قيامه يا وطن بيـــــــــك
اذن كلش سهل يوم القيامـــــه

تحياتي

[الشاعر احمد الشويلي]

الله يا أم علاوي على هذا الذوق المتميز قصيدة روعة لعبد الحسين الحلفي

يوميه قيامه ياوطن بيك
اذن كلش سهل يوم القيامه

[جــبروت رجــل]

وشمل منع التجول حتىالعظام
والدم ماكدر يمشيبعظامــــــه

حمام الناس ونته يا وطنحوم
منك ما اظن تسلم حمامــــــــة


اختي العزيزة والغالية ام علاوي
كم رائع وجميل ماتطرحين هنا من روائع
شاعر عراقي اثبت تميزة بلساحة العراقية
عاشت تلك الانامل التي طرحت هذا التميز الجميل
فهذا ليس بجديد على مبدعة مثلك
تحياتي اختي وتقبلي مروري البسيط

[الشاعر ماجد الدعمي]

ادور عن وطن بعيون الايتام
وبعيون الارامل ماكو خيمه
اشو صدام سافر غير نرتاح ؟
كل شارع تطبه يشكي ظيمه
غربه البيك تاكل اول الناس
وناسك عود ذبحتنه الحريمه !!!!
اليذبح بيك عشره ايصير ابو التاج
والبسمك يغني لا ..... جريمه !!!
تحياتي لك ام علاوي
وشكرا لاختيارك المميز
وذائقتك الرائعه
والتحيه مووصوله
لعبدالحسين الحلفي
ويبقى العراق
بالقلب
تقبلي ماتركت هنا

[ام علاوي]

الشاعر foraten.net/?foraten.net/?foraten.net/?foraten.net/? الشويلي... يسعدني بأن مختاراتي راقت لكم سيدي
شكرا لاشراقتك الجميله
لاتحرمني الطله
لك مني كل الود

[ام علاوي]

جبروت رجل .... الاجمل هو تواجدك وبصمتك تلامس سطوري المتواضعه
شكرا لحضورك المميز
لاعدمتك اخي العزيز
ودي وباقه من الجوري

[ام علاوي]

ماجد الشاعر ...
\
المتابع الذي تفرحني منه الكلمات
بالبوح... بالرد الجميل...
شكرا لكل ماتتركه
فهو وسام اعلقه على صدري
لاحرمني ربي منك مشرقا
تقديري الدائم وشكري بلا حدود
كن بخير سيدي لاكون

[عاشقة المستحيل]

شكلك عالمحبة للوطن بالروح***** اني من المحبة شايل بكدة

انه من انجرح مااضن دم يطيح ****خارطة الوطن من عندي تتبدة

عاشت الايادي ام علاوي على الكلمات الرائعة


تقبلي مروي البسيط

تحياتي