ابو ذيات منوعة وحلوة

[مصطفى الفراتي]

يون كلبي ونين النوكك ونتاه
تاه ومادريت شلون ونتاه
زماني الصار ضدي اليوم ونتاه
صرت وياه يا وسفه عليه


بيدي للجم بجرحي وكلبه
وينصحي مادخل عكله وكلبه
انا دوم ويه الدهر العب وكلبه
لعبت وياك دار الفلك بيه


اريد اركب دليلي بليل وسعه
على ام شعراً طويل وعين وسعه
يحفار الگبر بالله اعليك وسعه
وذمه اعليك تدفنه سويه

حبك سرة بكل حشاي دورة
عزيز والك بالشريان دورة
ادا شكيت هاك الكلب دورة
ادا غيرك لكيت اعتب علية

الدهر حد بيعه هدومي وصل بي
وراسي امن الصخر امضه وصلباي
اوافق لو يتم موتي وصلباي
ولا راسي اطخه اعله المنيه

الك ما اسحب اسلاحي والاقسام
؟؟ معاهد فدوه تصبحلك والاقسام ؟؟
لا زائد جمع حبنه ولا اقسام ؟؟
تفاركنه وصعب نرجع سويه؟

لا مية التحبك موت لا ميتين:
واحنة بدون حبك كلنا ميتين
طعم شفتك حبيبي تكول ماي تين
بستها الماي ضل سنتين بية
م ن ق و ل

[شاعر غرام]

كلمات رائعه ونتقاء أروع
دمت بهذا العطاء أخ مصطفى
وننتضر جديدك تقبل مروري
الخالدي

[سلام الدراجي]

عاشت ايدك مصطفى الفرات ابوذيات في قمه الروعه ونقل مميز

[حيدر القريشي]

ابوذيات قمه في الروعه
سلمت الانامل على الانتقاء المميز
مع تحياتي

[محمد ألسوداني]

اريد اركب دليلي بليل وسعه
على ام شعراً طويل وعين وسعه
يحفار الگبر بالله اعليك وسعه
وذمه اعليك تدفنه سويه
..........

قمة الروعه وربي
الاخ العزيز مصطفى الفراتي تحياتي الك مالها حدود
تقبل مروري وننتظر منك المزيد لا تبخل علينا

[twfeek]

تسلم الايادي على هالنقل الرائع وان دل على شى انما يدل على حس شعري مرهف
اتمنى لك التالق الدائم.....احترامي



توفيــــــــــــق