المال مال ابونا والناس يحاسبونا

[ابو كاطع]

السلام عليكم ورحمة الله وبركاته
اخر الاخبار ان وكيل احد الوزارات قام بتشيد دار قريب من بناية وزارة الخارجية مقابل العمارات السكنية مجمع الصالحية خلف فندق الرشيد
يقال والعهدة على ابو كاطع
ان هذا البيت ممتلء باعداد من اجهزة السبلت يونت ويسمى باللهجة العراقية البخاخ او البخيخ
لقوة درجة برودته
وان هذا الوكيل والعهدة على ابو كاطع
جان سابقا عنده






وبعد مدة تغير الى ان اشترى سيارة بيجو 404 بيكب رصاصي اللون وموجودة نوعية هذه السيارة بكثرة في المحافظات الشمالية




وكان صاحبنا السيد وكيل الوزير يبيع على هذه السيارة
انواع الكرزات
والفستق وخراطيش التين المجفف ومن السما والحبية والبرغل والنمنمات
ولكن بعد السقوط
اصبح في ليلة وضحاها
رئيس مؤسسة الحواسم المتحدة للشفط العالمي ذ ـ م ـ م
والله يكون في عون زوجته السابقة المكرودة الي جانت اتجهزله سفرطاس الاكل من يطلع يفتر يبيع جرزات ونمنمات
والان تزوج من شابة جميلة الله يستر على اعراض الناس وترك ذيج المكرودة لانها موديل قديم
اين لجنة النزاهة
من هذا السيد وكيل الوزير
وبناء بيته قريب منكم وبالقرب من مجلس النواب
لو هذا ما اتشوفونه

الا لعنة الله على كل من ياخذ دينار واحد من مال العراق

متى تشبع بطونكم من المال الحرام

[بيبو سومي]

وداعتم ماصير الهم جارة ابد والوكيل ابد ماعرفنا ابد

[ام فيصل]

حيا الله ابو كاطع
منور المنتدى عزيزي فكم افتقدنا هذا الحضور ومواضيعك الساخرة

اريد اعرف هو بس وكيل الوزارة المعني شافط فلوس الشعب ؟

عزيزي

هذي وحده من الاف السوالف الي صارت وتصير بالعراق وشعبه المسكين
منذ 2003 والى الآن

ومادام انابيب النفط بيهه نفط الى ماشاء الله
اخذ من هالحرام ومال الحرام الى يوم يبعثون

وهيئة النزاهة الله يعينهه شلون كاعدة تشتغل وكم إيد تلعب بيهه

العلم عند الله مته تخلص هذه المشاكل ومته يرجع العراق لأهله

مع تحياتي لك

[* البتول *]

الله عليك ياأبو كاطع
ارجوك لتكطع مواضيعك الرائعة علينا
لانها تحاكي الواقع المرير وتوصله الينا بطريقة نادرة ومميزة
بارك الله بجهودك وكثر الله من امثالك
وياربي ارحمنا برحمتك الواسعة التي وسعت كل شئ
تحياتي واحترامي

[هيثم وائل]

شكرا للموضوع
والله هذه وقائع وحقائق

[الحــر]

وعليكم السلام ورحمة الله
حياك الله عزيزي ابو كاطع ,,,
وهكذا هي الحياة ياخوية عدهم مثل ما نكول درج وتصعد بالواحد

بس همه الدرج مالتهم مختصرين بيه بايات هواي كل باية وياه مصعد يصعدك طلقة ليفوك

لكن اسمعت لو ناديت حياً ...

تقبل كل شكري وخالص تقديري

اللهم ارحم الشاعر رحيم المالكي عد ماكال حكومتنه الرشيده ليش هذا البوك.. كتلوه لان البوك حرام وقتل النفس هم حرام هاي من فتاوي الدبابة الامريكية