اعاتب من ؟؟

[عباس الفرطوسي]

چنت شجره وتفيي عليك حر الصيف واول ماطحت هديت بالفاسه
و چنت من تعطش اسگيك بدموع العين بچفوفي صغتلك ياترف طاسه
وچنت حافظ كتابك حافظه أعلى الغيب كل البيك اعرفه ودارسه دراسه
لكن صدمتي صارت چبيره وياك هيچ انته اليحبك تجرح احساسه ؟؟
مشيت مغمّض وياك اعلى درب الشوگ غشيم الگلب مايعرف بعَلاسّه
بعتني الحلگ شامت والشماته هواي هضيمه أعلى الگلب شي ماعرف ناسه
أموت ومو مثل ما مات باقي الناس هم شفت الأعدام يصير بمواسه
وهم شفت الحرامي يعيّر المبيوگ جبح ويزامط أعلى البوگ حراسه
وهم شفت السگف متعلي فوگ الفوگ لو ماسلم أمره وهيبته الساسه
ذبحتني وگطره گطره تريد دمي يسيل وخليت الگلب بهواك يتقاسه
تيهت الحساب وكثرت الصفنات ياخيط التخلبص معرفت راسه
هذا انته التحبني تسوي هيچ وياي !! ياجرح الچبير البلعظم جاسه
أعاتب ياحليب ...
وياهو أحلفك بيه ..
اذا حتى الحليب نباع ...
بچياسه


عباس الفرطوسي

[الشاعركريم السلطاني]

شكرا لك يالفرطوسي على هذة القصيدة الجميلة واتمنى لك دوام النجاح والتالق وننتظر جديدك وتحياتي لك
السلطاني

[عمار الغزي]

عاشت وسلمت الايادي يا مبدع
لا حرمنا الله مداد قلمك اخي الغالي
تقبل مروري

[ام فيصل]

الله عليك ياعباس

صح لسانك عزيزي
والف شكر لك على روعة هذه القصيدة وجمال الإحساس
ماننحرم هذا الإبداع والمداد المتدفق عذوبة

دمت بكل الخير
مع تمنياتي لك بالمزيد من التالق

[أنثى شرقية]

أعاتب ياحليب ...
وياهو أحلفك بيه ..
اذا حتى الحليب نباع ...
بچياسه


الله عليك كلمات في الصميم وبالعظم
وصح لسانك
دوم الابداع والتميز
تحياتي

[احسان الجنابي]

چنت شجره وتفيي عليك حر الصيف واول ماطحت هديت بالفاسه
و چنت من تعطش اسگيك بدموع العين بچفوفي صغتلك ياترف طاسه
وچنت حافظ كتابك حافظه أعلى الغيب كل البيك اعرفه ودارسه دراسه
لكن صدمتي صارت چبيره وياك هيچ انته اليحبك تجرح احساسه
صح السانك اخوية وشكرا لك على هذا الاحساس
مع تحيات الجنابي

[عباس الفرطوسي]

شكرا لك يالفرطوسي على هذة القصيدة الجميلة واتمنى لك دوام النجاح والتالق وننتظر جديدك وتحياتي لك
السلطاني

استاذي الغالي السلطاني
شكرا على هذا المرور الجميل .. نورت صفحتي بأشراقة حروفك الجميله

[الغربه]

عبــــــاس الفرطوســـــــــــــــــي
متميز اخي الكريم باحساسك وبوحك
تحيتي لشخصك الكريم