مهند كل لهلنه البعدطال
والوكت ذبني ابجرف تعبان مايحمل جدم
مهند والصبر حمله ثكل الجبال
تعب حيلي
وعلى اسمي الضاع اون حركه وندم
مهند والعمر سبحه وخرزهه اشكال
لعب بيه زماني ونوع ابعمري الالم
سبحتي الحلوه صفت بيد الانذال
والنذل من يولي كل نظره ابسهم
مهند من تجيني ايهل عليه اهلال
وبيك اشوف الوكت عامر ماهدم
ماطابت اجروحي ولاتظن ينزال
اثرهن بالكلب وانته تدري شنظلم؟
تفرهدت للوادم كثر قيل وقال
وانه ذاك انه ويظل جرحي علم
واظل عالي الهامه وصوتي زلزال
اخوك وماتنصيني اسامي من العدم
مهند كل لهلنه الحمل مال
وكثر ماحاربت وكتي
احس كلبي انثلم
مهند موهظيمه الدمع لوسال
بس هظيمه
الدمعه تطيح ابجف المافهم
مهند كل لهلنه البعد طال
والوكت ذبني ابجرف تعبان مايحمل جدم
***** بقلمي *****