يملوع الكلب جم دوب اصبرلك ؟؟
تره صبري جزع مني
وبعد روحي فلا تحمل !! ومليت
طبعك لغز ؟؟
صار اسنين اخمن
واصبر واصطبر واحزر ولا حليت
صار اسنين ياهالمدري شنهي
ذبلت شمعة اسنيني بالمناطر ولا عدليت
وجنت اغالط شوفي من نظرة عواج البيك
وبعيون النواظرصورتك باجمل وصف خليت
وانته !!!!
عمرك ماصفت نيتك
مخادع !!!!
وارد انشدك من خداعك ياسهم جرحي اشحويت ؟
انته منجل يحصد من اسنين عمري
كل معاني الفرح ويزيد الدمع حد ماعميت
انته خنجر نابت ابضلعي
وجرح ينزف ندامه
مرت اعليه السنين وماشفيت
انته !!!!!
انته ياجيثوم حارمني منامي
فوك صدري النومه نومه وما صحيت
انته !!
انته والانته خذت مني حياتي
وتبعتك روحي ابعشك
داسه جدمك من مشيت
انته ياجذبه عشتهه وهدنتني ابضيم
كلت جذبه وتنتهي
آنه تاليهه انتهيت
جنت اغالط شوفي من نظرة عواج البيك
وبعيون النواظر !!!!!
صورتك باجمل وصف خليت
**************************