ابوذيات من القلب الى القلب

[رنا العراقية]

حبك بالكلب ياصاح ضلضل
من تعبر علينه يصير ضلضل
تريد اتروح لا لتروح ضلضل
لانك لو رحت شيصير بيه


هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه


نخيت اهل الكنيسه عليك والدير
يهل تبــــعد عليه الوجه ودير
ترى الدنيا تجيهه ايام ودير
وتجيني بدمعتك وترد عليه


حبيبي الدهر بجفاكم بلانه
قدر مكتوب من الله بلانه
شلون تعيش يالغالي بلانه
واتحن لحبي ولضمة ايديه



لحوك بثوب حسنك وانسجنه
جهنم حبك ارضه وانسه جنه
انحبسنه بقفص عينك وانسجنه
وتحط رمشك كلبجات باديه

كلمات غاية في الروعه

سلمت يداكِ اختي العزيزه


تقبلي تحياتي

[ابو علي الصكر]

الله علي يا رنا 00
وعيني بارده على ما تبدعين00
ابيات رائعه وجميله00زيدينا منهم اكثر00
ننتظر الجديد00ولك كل التقدير00
الصكر

[سلام الدراجي]

دوما هكذا انتي رائعه يارنا ابيات جدا جميله الله يحفظك

[محمد السوداني]

الله عليج يا رنا كلمات جدا رائعه
تقبلي تحياتي اخوك محمد

[غفران الحزين]

ابيات جميله
عاشت ايدج

و تقبلي مروري
اخوج غفران

[اهل العراق]

اللة عليك علا هل الابداع كلمات في غاية الروعة وننتضر جديدك تقبلي مروري

[العراقي الاصيل]

الكلمات عاليه في الروعه عاشت ايدج اخت رنا العراقيه الاصيله