صباح الخير
مساء الخير
بيباي
ثيمالله
حبيت اطرح هذا الموضوع حتة اكشف حقائق لان اني فتاحه فال
قصدي قوية واخبل
حتى لتنقاد البشرية العظمى الى الاعتقاد الخاطىء
والي يريد الاحتلال ان يعتقده ابناء شعبنا المقاتل الصامد (كلشي مفتهمت)
من اهم الاسرار الي احب اكللكم اياها هي حادثة مقتل
الرئيس الامريكي جون اف كينيدي
هو طبعاً اسمه كندي نسبة الى المستشفى الراقي الكندي
الي ميخلونا ندخل اله بكشفية بالف دينار(شوف الرخص)
المهم اني الي كتلته!!!! اي نعم تعال لتخابر على 130 افتهم وبعدين
اني جنت صاعد ةفوك السطح وبيدي التلفون دا اخابر علىملهمة الشعراء شلعت كلبي لحد مشالتة ماعرف وين ضامتة بلفريز التلفون ماعرف علمود ادزلي كارت ابو العشرة (زنكينة)
فشفت الباي كندي ديمشي بالسيارة مالته كاعد يشمر وهاي عبالك هو وبس
ميدري الي على السطح وحدة قوية كولش
اني صراحة اضوج من هيجي ناس لان عيب يعني انت رئيس دولة فقيرة وكاتلها الذبان شكو تشمر عالناس اكعد واسكت
ليش ما رمقني بنظرة مال الولد الي يوكفون براس الفرع
اني ما احجيلكم شصار بية
سديت التلفون فملهمة الشعراء زعلت مني عباله اني اضوج منها واكرهة
وخابرت على ام علاوي وشكتلها عني وام علاوي هم زعلت مني وضربتني اكنور يعني تلفونها بي اكنور مو عبالكم
المهم اني نزلت شفت يمي بوري مشكل بفد شي مستطيل عبالي طوب مال شخاط بعدين عرفت انه هو تانكي
جريت البوري وطرت اي طرت وكمزت على السيارة
وبتقريباً اجزاء من الثانية خمطته ببوري معدل وهذا الحوار الي دار بيناتنة:
اني:عااااااااااااااااااااااا
هو:يبووووووووووووو
اني:اليوم احرك الجو اخليك تكره نفسك
هو :يبوووووووووووووووووووووووو
اني. نيااااااااااااا يعني الضربة القاضية
هو:دخيلللللللللللللللللللللللللللللللللللللللللللل للللللج وطبا مات
وباللحظة نفسهة اني رجعت وكمزت فوك السطح وخابرت ملهمة الشعراء حتة اصالحها ودزلي الكارت وعلمود اخليه بتلفوني واضمه خاف بعد سنتين احتاجه
هذا جان مجرد مثال للاسرار القوية الي عندي
عود من يصير عندي واهس اكوللكم على حقيقة كوفي عنان