شماتهب الريح عودك ينكسر

[الشايب العراقي]

هسه طابن ذني وي ذني من اجيت
وكلشي مات بروحتك هسه عدل
وكلبي دك صدكني من كضة ايديك
وظل يضخ بكل شراييني عسل
جدمك اخضر ماسحك شي ماحياه
بعكس عينك جم بشر منها انكتل
مثل ماكلشي عفت يوم المشيت
مره اريدك تبقه وتعوف الزعل
وخلصت كل عمري وياك انتظار
شظل بعد من عمري وتكلي انتظر
مو كمل بستانك وفات الحصاد
والسنابل شيّبن مو بس صفر
وطاح كل محصولك وطمه التراب
وشح عليه الماي واتبره ابطر
والعطش خله السنابل عاريات
شماتهب الريح عودك ينكسر
والغيوم اتلاشت بكل الفصول
كمنه حته بآب نترجه المطر
وكتك الجان انتهى وماظل أمان

منقووووول

[سلام الدراجي]

عاشت ايدك ايها الشايب
قصيده اكثر من رائعه لو بس كامله
تسلم عالنقل
بارك الله بيك
تحياتي

[امير الربيعي]

شكرا اخي الكريم
على الطرح الجميل
تحياتي الى شخصك الفاضل
/
/
/

[الشايب العراقي]

شكرا لمروركم على موضوعي
اسعدني مرور الجميع منورين الموضوع يا طيبين
مشكوووووورين والله يعطيكم الف عافيه

[الغربه]

والغيوم اتلاشت بكل الفصول
كمنه حته بآب نترجه المطر
وكتك الجان انتهى وماظل أمان



تســــــــــلم اخي الكريــــــــم
لهذا النقل المميــــــــز

مـــــــــع تحيـــــااتي

[الشايب العراقي]

شكرا لمروركم على موضوعي
اسعدني مرور الجميع منورين الموضوع يا طيبين
مشكوووووورين والله يعطيكم الف عافيه