الديرة وعيد الغدير

[عادل المنصوري]

يشاطي الفرح هلهل جالك الزود
ونواعير العشك لثمت جرفهه
واجت لمكَبعات اطش شلب بيك
وتباهي المستحة العفة بشرفهه
ونسيم العافيه يداعب بالعجود
ونقاط الشر تجافت وي حرفهه
حدت غيرة بضعن لمخدرة بزوم
وعلى النخوة شواربهه ترفهه
وعلى لسع الجمر دلات الوجاغ
تجلدت ما رضت تكَطع عرفهه
يظل يلفح كرم من حدر الرماد
لوَّن العوز برياحه عصفهه
وجهال الديرة ركضت بالمحاجيل
وسرب طير الكَطا يموج بكَطفهه
ودواوين السلف لمَّت بالآذان
شباب وشيب والاطفال صفهه
صفنت !! لن عيد الاضحى اتعدى اله ايام
وكَبل شهرين خلَّص عيد الصيام
ولاظل للفرح منبت بالآلام !!!
"... مبروك الولايه اليوم يوم الفه
وكَف شايب يهوس واشر بجفه
بخم foraten.net/?foraten.net/?foraten.net/?foraten.net/? علنهه والملأ حفه
مبروك لحيدر دج بيهه ..."
احس فز الكَلب دكَـ ويه دج رجليه
ودمي افتر وسط شريانه جن ميدان دار اعليه
ذكر وكَفة علي وforaten.net/?foraten.net/?foraten.net/?foraten.net/? ولي مخليه
وذكر بيعة غديره وذكر نص البيه
بلِّغ ... وبَّلاغه عله دينه
وصدح بامر الولايه عله ادينه
رد الدين واجب عله دينه
وسداده مودة القربى تكفله
بصيرة كَلبه من ضدهم تكفله
اورجك يالكَمت ثوبك تكفله
وي قابيل عشوتكم سويه
وي قابيل عشوتكم سويه

يسلم لسانك واللهِ جميل جميل جدآ
تقبل مداخلتي المتواضعه

[سامي المشكور]

اخي عادل
سلم اختيارك الجميل
لك تقديري

[جله نار]

قصيده جميله هزت الوجدان
مبارك لك عيد الغدير
وثبت الله اقدامك على ولايه علي
تحياتي وودي

[راهب المنصوري]

اخي العزيز علي الصباغ
شكرا لمرورك العذب والرائع
عادل المنصوري

[راهب المنصوري]

اخي العزيز سامي
هذه القصيدة بقلمي وليست اختيار
شكرا لمرورك
عادل المنصوري