انتظر بيك

اريد اوكف وأعلك وانتطر بيك
واريد احسب وأعد وياك بالعد
واريد احسبلك اللي صار والاه
واريد اكفر بحبي وياك واللحد
واريد الفركه ليش سنين وياك
الف حسره بدليلي عليك تنهد
تذكر من جنت تحلفلي وتكول
اموت وما اعوفك والله يشهد
جرحي وبي ملح منك تهد بيه
ودم عيني نزلك سال وشكد
كل ليلي افزن مانمت حول
واسأل ماهديت عليك واشكد
يل بطولك نخل شبحتلك عيون
شوكت كلي انا حظي وياك يكعد
يدوخ السلف من جدمك يمر بيه
وتروح الكاع كلها وياك وترد
يل صركشراع وانكر السفان
لاريح اليوكفك لاهوى يصد
يلولنك نجم جا طلت النجوم
اصيرنلك فلك وتدور فرقد
تنام الناس حسبالك اجه الليل
مايدرون شعرك ليل وانهد
مطوق انت عيونك طوك حراس
تفاكه الجفون تصيب وتحد
ورموشك من كحل عينك يغارون
لان كحلك الاهي وهن مرود

شاعر دجله

[امير الاحزان:]

رائع اخي العزيز ما خطته اناملك00
ولكن يا حبذا لو تنشر هذه القصيدة في منتدى الشعر الشعبي00
فهذا المنتدى مخصص للابوذيات ولاباس بالزهيري0
حتى لا يكون هناك التباس لمن ليس لهم اطلاع في انواع الشعر00وبالذات العامي(النبطي)

[محمد السوداني]

الله الله الله

قصيدة رائعه وكلمات اروع بوركت اخي العزيز وسلمت يداك

تقبل تحياتي وتقديري

ننتظر منك المزيد يامبدع