-مامش حل-
مامش حل
ما تنحل
المحبه مخلبصه وياك
شما افلها فلا تنفل
زرعتك وسط روحي
وضنتي تنبت
وسگيت سنين--يابو سنين
اثاريتك غصن ميت
حسبالي الغصن يحمل
وماحمل
مامش حل -- ما تنحل
اخذ ليلك عمر
وانه شمع سهران
ومن طر الفجر
جازيتني بهجران
ما خليت خط جيه
بگلبك ماكو حنيه
حسبتك-- نهر ما ترجع
اثاري-- مسورب وتخدع
ورغم هذا--الجدم ما كل
مشيت وياك
على ممشاك
وانته بخطوه جدمك زل
مامش حل--- ما تنحل
يالشموعك طفت
من الگلب والروح
يالجروحك بقت
محفوره عيب تروح
يالدربك صعب
مالك درب معلوم
دفعني الزمن
وتريد مني ارسوم
شدفعلك بعد
والگلب عندك ضل
شتحمل
مامش حل--- ما تنحل
اغصاني الخضر
ذبلهن اصدودك
ومزنات العمر
خلصن على ورودك
چم مره اشوفك
چنه مو عشاگ
چم مره
چم مره تجيني
بلهفة المشتاگ
چم مره
وچم مره
تضيع الدرب ما تندل
ولا تسال
كلمات
ناصر اسماعيل الموزاني