غازلتك كبل .. بس ما وفيت وياي
وراح انوب ارجع بيك واتغزل ..

واريدك تستمعلي وتصفن لكل بيت ...
وراجع حالك انتة بسرعه من أكمل ..

وجاوبني بصراحة على التشوفة هنا ..
ابقة وياك انا ؟؟ كلي لو ارحل ..

لان ما اريد اذل وهايه صعبة هواي ..
صعبة المثلي صدك والله ان ينذل ..

غازلنه الكمر وحتى الشمس ويا ..
لانا لنور وجهك صعبة ان نوصل ..

زعل نور الشمس لمن ظهرت علي ..
وخسف روحة الكمر من شافك اتفشل ..

وزعل حتى الورد لمن لمح الخدود ..
وكطع روحة الك وبايدة كام ايتل ..

يالكلك ترافه من الجدم للراس ..
يا ورد الربيع الزاهي مايذبل ..

يانسمة عذيبي ترد علي الروح ...
من تجفى وترد علية وك تكبل ...

زلازيل الدول مو من خلل بالكون ..
يخاف الكون منك يرجف يزلزل...

وياهو الكال افطر من اشوف هلال ...
افطر انا لمن وك عليه تهل ...

بياضك مو طبيعي والصدر تفاح ..
وبشفافك عسل من الله متعسل ..

وبعينك سحر يسحر جميع الناس ..
وانته بدون كحلة نشوفك مكحل ..

احلى من الغزال بكل صفات البيك ..
ويطم روحة الغزال ان شافك ويختل ..

اخرب من اشوفك مدري شنهي يصير..
ويضحكون الخلك كل ضنهم مكبسل ..

ارحم حالي فدوة ولا اتغلى هواي ...
والله بدونك انا هواي متبهذل ...

وحر بروحي انته وافعل شمتريد ..
راضي بكل شروطك حاضر واقبل .

تحياتي