كلك حلو // غزل...مع تحياتي للجميع

[الشاعر جلال البطاط]

كلك حلو

صح انته الحلاوة ألبيك ما تنقاس؟

وما بالغ وأكَول من الكَمر أحلى!!

وصح انته عسل وتفوح ريحة هيل

وصدكَني امنكَولن عالشمس تعله!!

بس انته قاسي وماعرفتك ليش؟؟

معقولة بعذابي تريد تتسلى؟؟

ومعقولة نسيت العشرة والأحلام؟؟

ومعقولة نسيت الزفة والكله؟؟

ثيل صرت إلك وانته بيهّ أتدوس

تحصدني وارد ألخاطرك أعله!

جنت محبس خطوبة بجفك انداريت

وما ظنيت عني بيوم تتخله!!

لأن ضلي صفيت بكل وكت وياي

ومعقولة البشر يتخلى عن ضله؟؟

ولأن طبعك ورد وية النسيم أتفوح

واليشتم عبيرك ينسه حتى أهله..

نقش اسمك حبيبي انطبع جوه الروح

وغيرك ما أظن مخلوق يندله..

صح إنيّ فقير وانته عال العال

بس وكت البرد حتى الفحم يغله!!

صدكَني حبيبي الراحه راحة بال

وشمحلة الورد لو بيدك أتشتله..

وصلنه المرحلة ما تقبل التقسيم

لو يصعد إلك لو انته تنزله!!

******************

مع تحياتي

الشاعـــــــــــــــــــــــــــــــــــــــر

جلال البطاط

العمارة

[طيبة النجف]

كلمات رائعة

صح السانك اخي الغالي

دمت مبدعا بين ربوع الفرات

تقبل مروري وخالص مودتي

لسموك الكريم

[ام فيصل]

عزف مميز على وتر الحب والشوق
كلماتك لها صدى في النفس
وقد لاتوفي كلماتي جميل هذا الإحساس
فشكرا لجمال بوحك
وروعة احساسك ياجلال

ننتظر بوحك القادم
لك اطيب التحايا

[السومري71]

قصيدة رائعه تخطف القلوب بجمال معانيها
سلمت اناملك المبدعه
ننتظر الاجمل من يراعك
خالص تحياتي

[سفيره الشعر]

اختيار جميل ورؤائع وموفق

وكلمات رائعه وشفافه جدا


تقبلي مروري

[ابواياد56]

شكرا سيدنا لروعت الكلام ودقت المشاعر ونرجو منك المزيد من التالق والابداع

[محمود شاكر الهلالي]

الله الله عالروعه عمي العزيز جلال قصيده رائعه بحق وغزل ممتع دمت مبدعا

ايها الشاعر المبدع
جلال البطاط
انفردت باسلوب رائع وكان لبيتك الرائع

صح إنيّ فقير وانته عال العال

بس وكت البرد حتى الفحم يغله!!

كأنك تريد ان تنتصر
لكل العاشقين الفقراء
وفقك الله
دعائي لك بالخير
والسلامه