مشتاكلك من صدك - شعر علي المنصوري

[ميران]

مشتاكلك من صدك

وصفعات جف العشك

سون خدودي زرك بس لا تضني تبت

جيتك بلهفه طفل تضربه امه نعم بس عينه يمها غفت

جيتك بدرب الذي المن عنده جنه نمر تصيح البلابل غرت

والشجره تذكر كبل الفيها غطى الشمس جوى غصنها وكفت

مشاني طول الامل بيك شوكت اوصلك حتى انسعد لو شفت

وجهك الجان وبعد ينزاح قرص الشمس لو من البيت اطلعت

وصبرني طول الوكت حيهم وصلنا لمن توها الشمس غربت

جدمي الخجل يمنعه

وجفي العشك يدفعه

لمن لبيته وصلت

واخر نتيجه صفت

بين الكلب والخجل دك بابهم قررت

ودكيت بس ما طلعوضليت اتاني يجي وعيني عله بابه غفت

وطلعت بس منزعج وبابك وباب الوجه ابوجهي ليش طبكت

كلي اللي ضحه العمر شيصير بي لو سمع بغير حضنه نمت

جا بالجذب حيني جا كلي اهلا جذب جا كلي شو ماكلت

بالله حيل ازعلت

مو لئن غيري خذت

لا بالعكس جي خنت

بس خل اكلك خبر عيني بفراكك بجت

وتدري الدمع بيه بخت

ياشجربيه كبرت

ولجلك شكد ناطرت

ولغيري من اثمرت

ياكلبي كتلك اذا صفصاف تزرع صعب تكول انه منه حصدت

من طكني جف العشك اذاني بس ما تبت

بس هسه كلش تبت

جيتك بلهفه طفل تضربه امه نعم بس عينه يمها غفت


قصيدة رائعة وجميلة صورها شكرا لك ولشاعرها

[سامي المشكور]

اذاني بس ماتبت
كلام رائع فعلا
تقبلي مروري

[ام افنان]

الله قصيدة رائعة جدا وكلماتها ذات دلالة موحية اتمنى لك التالق

[امير السلمان]

حبيبي الغالي والشاعر الرائع المميز علي المنصوري شكرا لمشاعرك ولاحرف قصيدتك الجميله