سيف الخشب

[عباس الفرطوسي]

سيف الخشب

شدعوه الكباره وخشم صاعد فوﮚ مگيوله گبل يتعثر الحامي
سلامك موش الاول گمت أحسّن بيه وچنت شما درت الگاك گدامي
أخافن لاأشوفك مني گمت تلوذ يالگتلي گبل اقراك بحلامي
مجاني السلام الهسه مو بفلوس غم فلوسك اللي خلتك عامي
أحتقر عيني لون شافتك يوم چبير ياخادم خدم خدام خدامي
تتكبر علي يانمله فوكَ الكَاع شوكت مااريد اسحكَك انه بجدامي
ضل انته على الفلسات صرصر
وبلاك الله عساك بريح صرصر
أشوفك تمشي فوگ الگاع صرصر
أسحگك ماأوسخ بيك أديه
رحم الله أمرءٍ من يصفن الماضيه ويگول شلون مرت ذيچ أيامي
خلصت الجداوه وهسه صاير شيخ تتكبر عليه وجاي متحامي
أگعد خ نتحاسب وأرد أشوف شبيك ... عليمن هالكباره بسيفك العامي
يبو سيف الخشب تتباهه بالزنجار غم سيفك اذا فد يوم رد دامي
ياجرف ... الملح من راسك الرجليك ... تتكبر عليه بنهرك الضامي
سحير الليل طبعك مايحب النور حمامه تصوريتك عشت بأوهامي
مثل طبع الجريذي يختل من الخوف ماعنده جساره ويگدر يحامي
تتكبر عليه بخشمك المرفوع أفلشك والله آنه أبصمة ابهامي
موآنه البنيتك من چنت مهدوم أتخسه لو يوم تصبح بيه هدامي
انا باقي جبل غصبن على الجابوك واضن معلوم عندك ياذهب خامي
تتدحچ بحايط منها احذرك دوم ... أشتكض منهن أذا هديت بقلامي

[حسن الشيخ ناصر]

الخال الحبيب عباس الفرطوسي

والنعم منك ومن أصلك الطاهر

الزود الك ولهلك


لك مني كل الحب

[الكناري يونس الجبوري]

عباس الفرطوسي
ما اروعك وما اروع سيوفك وحربك وزعلك وغضبك وقلمك ودفترك
تصورتك وانت ممسك بالسيف وخصمك يلوذ بالفرار
كنت رائعا وبارعا اخي الكريم
اعجبني طرحك المتميز
طال عمرك
تحيتي لك

[عطر المظايف]

الله يا رائع ياجميل ...

طلب صغير ان امكن هل تعرف اخبار الشاعرة الرائعه نجمه الفرطوسي ..
مع حبي لك

[أنثى شرقية]

كلمات وسطور مفعمة بواقع حال الكثير من البشر
معاني ومفردة جميله قرأتها اليوم من قلم مبدع جاء للفرات لنرى ابداعه الدائم
فاالف تحية وتقدير لك ولقلمك
تحياتي

[طالب الناصري]

الفرطوسي الجميل
صح لسانك وعاشت ايدك
نزف رائع حقا تحياتي

[خليل الشرابي]

والله منت هوين يعباس
وين كل هل أبداع
بالله عليك لا تبخل علينا
وكثر من هذن صرصر
وخل ادينك بيض
تراهي خلصانة شما طولت
امتعتني والله

[عراقيه غيوره]

عاش لسانك جميل ما قرات هنا
يسلم يمنك على هذا الشعر الرائع
وتحياتي لك