رثائيه لاخي الشاعر المرحوم محمد الغريب

[الشاعر ماجد الدعمي]

انت يل كلك ترافه
وصوت طر الليل
ومن كد مابيه تعب الناس هامت بيه !
وانت يل كلك قصيده
وجفوف وكتك خوف !!
ارثي الشعر انه
ومو شخصك اني ارثيه !
وعيون القصايد بجفوفك انت تبات
وتامن تنام وطيفك تناغيه !!
صوتك ذاك صوتك بالدروب يدور
وشعرك بيه جفوف وجفمن يلاويه !!
وصوتك بعده صوتك بالظمير يصيح
واسمعه يكول
(هله ومية هله والفين مره
وعليك ارياكنه ياترف مره
شيظر لكربله لوجيت مره
وانه لمهجومكم كل يوم جيه )

تقبلوا مني التحيه وهذا بيت الابوذيه الرائع للمرحوم الغريب

[محمد السوداني]

صح السانك وعاشت ايدك اخي الغالي ماجد
أسأل الله ان يتضمد المرحوم برحمته
البقية بحياتك اخي العزيز والبقية لله كلنا على هذا الطريق
دمت بحفظ الرحمن اخوك
محمد

[مصطفى المالكي]

ماجد الشاعر
احسنت على ما قدمت هنا

تقبل تحياتي

العراقي

[الشاعر ماجد الدعمي]

شكرا لمرورك الكريم اخ محمد السوداني فالابداع لايموت فالمرحوم كان مبدعا بحق وان شاء الله سانشر بعض قصائده تباعا .......... تسلم حبيبي

[الشاعر ماجد الدعمي]

***** وسلمتي اختي الغاليه ملكة الاحساس لك وافر احترامي


***** حبيبي مصطفى رائع مرورك على متصفحي سلمت والله ....

[حيدر القريشي]

حبيبي الغالي ماجد
شكرا لك ولقلمك المبدع والرائع
وتقبل مني خالص الود والتقدير
ودمت بحفظ الرحمن