الرياح السود

[ابو امير الياسري]

چن طـفـت نيرانـهـه وذاك السعـيـر
وانـدفـن برمـادهـه اوجــاغ الــدلال
والمضايـف نزعـت اثيـاب الضميـر
وانچسـت بالـعـار مــن ذِل الـسـؤال
والعرب جثّه اصبحـواْ وكـت النفيـر
والجـثـث عـثـره ابميـاديـن الـقـتـال
والشـرف والثـار والـعـز والمصـيـر
مايخيـمـن غـيـر بگلـــوب الـجـبـال
وانظر الطـف كربلـه ابعيـن البصيـر
تلگه طبـع اجسادهـم فـوگ الرمـال
عفيه دمهـم چم بحـر صـار ويصيـر
عفيـه سبعيـن اشكثـر ولـدَواْ رجـال
من اجه الموت ابظهر مهره ويغيـر
مشرع ابقوسه ومطـر صـب النبـال
سرجواْ اظهـور المنايـه ابـلا نصيـر
واعتلـواْ ظهـر النجـم وكـت الـنـزال
*** *** *** ***
وحنـه منهـم صـرنـه للعـالـم غـديـر
يروه بينه السيف من تصبـح محـال
والـريـاح الـسـود ماتـحـمـل عـبـيـر
تحمـل احقـاد ابـصـدر مـثـل الـتـلال
وحنه چي عالحگ كواكـب للضريـر
مـن ظــلام اللـيـل واشـبـاح الخـيـال
وحنه چي بينه الشرف من يستجير
نفـدي كـل ارگابنـه وحـتـى الطـفـال
وحنه چي نهوه الاميـر ابـن الاميـر
وحنه چي نهوه ونحب درب النضال
زلزلـواْ بينـه الارض يــوم المسـيـر
يـوم عاشـر وانفضـح حقـد الجـمـال
*** *** *** ***
لاچن احنه ابكـل وكـت نبعـث سفيـر
موكـب اشـلاء ونخـط بالـدم وصـال
والمحـب العـارف ابتـالـي المصـيـر
عنـده طعـم المـوت الـذ مـن الـزلال
واشكبـر بختـه البـخـت يــم الچبـيـر
لو غرف من فيض جوده ومنه نـال
شحچي وانه الساني ماجف ابهجيـر
لاولامــره ارتــوه ابـكـاس الجـهـال
شفرة الصارم منـه السانـي وظهيـر
يگطـع ايميـن الـزلـم گبــل الشـمـال
والـعـبـد لـــوچان لـلـبـاطـل اســيــر
ينـربـط بحـبـال ظلـمـه مــن الـذيـال
مايفضْـل مـن الاكــل غـيـر الشعـيـر
مايلوگ ابظهـره بـس لبـس الجـلال
واعتـذر منكـم عـذر شـاعـر زغـيـر
لولسـان الحـال منـي اشـويـه طــال
******* ******** *********
سعـد الياسـري /الريـاح السـود/

__________________
لا يجوز شرعا وقانونا التصرف باشعاري
دون الرجوع الي وموافقتي

[مصطفى الفراتي]

وانظر الطـف كربلـه ابعيـن البصيـر
تلگه طبـع اجسادهـم فـوگ الرمـال
عفيه دمهـم چم بحـر صـار ويصيـر
عفيـه سبعيـن اشكثـر ولـدَواْ رجـال
قصيدة في غاية الروعة واحساس رائع وجميل كلمات تنبع من صميم قلبك يا ابو امير الياسري
تقبل مروري

[ام فيصل]

والـعـبـد لـــوچان لـلـبـاطـل اســيــر
ينـربـط بحـبـال ظلـمـه مــن الـذيـال
مايفضْـل مـن الاكــل غـيـر الشعـيـر
مايلوگ ابظهـره بـس لبـس الجـلال
واعتـذر منكـم عـذر شـاعـر زغـيـر
لولسـان الحـال منـي اشـويـه طــال

وان طال على الحق
فيا لنعمَ اللسان ...
اهني نفسي بزهو هذه المفردات الرائعة
الذي عزفت بها وبزخم تلك المعاني
مابين السطور عزيزي
أبــو أميــــر
أحييك --- واقول
دمت لنا وللفرات منهلا
تقبل ثرثرة كلماتي وتواضعها امام حرفك
لاحرمناك عزيزي

[محمد السوداني]

مع تحياتي

قصيدة رائعة صح السانك وعاشت ايدك الاخ العزيز والشاعر ابو امير الياسري

تقبل تحياتي وتقديري
متابع لجديدكم

[ابو امير الياسري]

الاخ مصطفى تحيه طيبه لك واشكرك جزيل الشكر لمرورك بكلماتي

[ابو امير الياسري]

الاخت الفاضله ام فيصل تحيه طيبه حاره بحرارة الكويت هذه الايام لمرورك العطر بكلماتي الف شكر ومحبه

[ابو امير الياسري]

الاخ محمد السوداني اشكرك على تلك الكلمات الطيبه وهذا المرور الذي عطـّر قصيدتي حبي واحترامي لك يااخي